BUZNET жойбары старт алды

19-20-март күнлери Ташкент Мәмлекетлик Аграр Университети Нөкис Филиалына Европа Аўқамының ERASMUS+ билимлендириў тараўында халықаралық бирге ислесиўди раўажландырыў Бағдарламасының 586000-ЕРР-1-2017-РТ-ЕРРКА2-СВНЕ-JP BUZNET: «Өзбекстанда ветеринария тараўында аралас оқытыў» жойбары бойынша еки күнлик илимий-практикалық семинар өткерилди.
Жойбардың мақсети Өзбекстанда ветеринария тараўы бойынша жетик кадрларды таярлаў, ЖООларында ветеринарияны оқытыў бойынша аралас тәлимди жолға қойыў есапланып, усы мақсетти иске асырыў ушын Өзбекстанның аўыл хожалығына қәнигелестирилген 4 жоқарғы оқыў орны (Ташкент мәмлекетлик аграр университети, Әндижан аўыл хожалығы институты, Самарқанд аўыл хожалығы институты, Ташкент мәмлекетлик аграр университетиниң Нөкис филиалы) ҳәм Европаның 4 жоқарғы оқыў орны (Италияның Пиза ҳәм Падова университетлери, Эстонияның Өмир туўралы илимлер университети, Португалияның Порту Университети) ортасында тәжирийбе алмасыў әмелге асырылады. Бул тәжирийбе алмасыўлар тек ветеринария тараўы бойынша билимлендириўди емес, ал өндирис орынларында (мал фермалары, сүтти қайта ислеў кәрханалары, шарўашылық хожалықлары) да әмелий тәжирийбе алмасыўды көзде тутады.
Жойбар шеңберинде Португалияның Порту университетинен Августо Фаустино ҳәм Мария Граса Лопес, Эстонияның Эстония өмир туўралы илимлер университетинен Девид Ерней, Италияның Падова университетинен Стефано Ромагноли ҳәм Антонио Молло, Әндижан аўыл хожалығы институтынан Илхомжон Собиров, Ойбек Ризаев, Самарқанд аўыл хожалығы институтынан Шавкат Хасанов, Нуриддин Рузикулов ҳәм Абдували Хушвақтов, Ташкент мәмлекетлик аграр университетинен Ғайрат Менглиев ҳәм Ботир Улмасовлар филиалымызда мийман болды.
19-март күни Филиалдың киши мәжилислер залында жойбардың ашылыў мәресими өткерилди. Оған жойбардың Европадағы ҳәм Өзбекстандағы ағзалары, Филиалдың Зоотехния факультети профессор-оқытыўшылары, ветеринария қәнигелиги студентлери қатнасты. Ашылыў мәресимин Филиал директоры Е.Төрениязов қутлықлаў сөзи менен ашып берип, мийманларды мәжилис қатнасыўшыларына таныстырды. Ол өз баянатында ТашМАУ Нөкис филиалының тарийхы, бүгинги турмысы ҳәм структурасы ҳаққында айтып берип, Ветеринарияны оқытыў бойынша исленип атырған жумыслар ҳақкында сөз етти. Сондай-ақ, Филиал директоры жоқары оқыў орнында халықаралық бирге ислесиўлер, шет ел илимий институтлары менен биргеликтеги жойбарлар ҳақкында қысқаша айтып берди. Мәжилис қатнасыўшыларын Наўрыз байрамы менен қутлықлады. Буннан соң, Жоқары билимлендириўди жетилистириў бойынша экспертлер топары ағзасы Б.Палуанов «Қарақалпақстандағы Жоқары оқыў орынларында Европа Аўқамының Эрасмуз+ жойбарлары» темасында, Порту университетиниң профессоры Аугусто Фаустино BUZNET жойбары ҳаққында презентация иследи. Филиал тәрепинен шөлкемлестирилген кофе-брейктен соң, мийманлар филиал музейи ҳәм филиал студентлери тәрепинен таярланған Наўрыз байрамына байланыслы көргизбени тамаша етти.
Күнниң екинши бөлими жойбардың практикалық мәселелерине арналды. Мийманлар филиал директоры ҳәм жойбар ағзалары менен биргеликте Хожели районындағы Мал шарўашылығы комплексине сапар шөлкемлестирди. Олар ол жерде фермадағы мал өсириў барысы, оларды азықландырыў, емлеў ҳәм көбейтиў ислери менен танысты. Буннан соң, жойбар ағзалары Нөкис қаласындаға Республикалық Ветеринария Лабораториясында болып, лаборатория үскенелери, ол жердеги жумыс барысы, ҳәзирги күни Қарақалпақстан шәраятында үй ҳайўанларын емлеў (қара мал, ешки, қой) барысында ушырасып атырған кеселликлер ҳақкында лаборатория хызметкерлери менен сәўбетлести.
Жойбар ағзалары Нөкис қаласындағы «Қоңыратбай-Меҳри» сүтти қайта ислеў кәрханасында болып, ол жердеги сүтти сапасын қадағалаў ислери менен танысты.
Илимий-практикалық семинардың екинши күни – 20-март күни мийманлар Қараөзек районындағы «Панаев» мал фермасына сапар етти. Ол жерде мийманларды ферманың ис басқарыўшысы А.Қурбанов күтип алды ҳәм оларды фермада нәсиллик малларды бағыў ислери, оларды көбейтиў усыллары менен таныстырды. Сондай-ақ, фермада жаңадан долға қойылып атырған көп сүт беретуғын ешкилерди ҳәм бир өркешли түйелерди бағыў бойынша да кең түрде айтып берди, фермада бағылып атырған ҳайўанларды көрсетти.
Күнниң екинши ярымы мәдений дем алыс пенен даўам еттирилди. Жойбардың Европадан келген ҳәм өзбекстанлы ағзалары Нөкис қаласындағы Савицкий атындағы Қарақалпақ мәмлекетлик көркем өнер музейине сапар шөлкемлестирди. Олар музейдеги экспонатлар менен танысып, музей алдындағы Наўрыз байрамына таярлық барысын тамаша етти.


Тайарлаган: Халықаралық байланыслар бөлими баслығы Б.Султамуратов

Nawrizi ayyam barshege qutli mubarek bolsin

Ba’rshen’izge assalawma a’leykum ! Nawrizi ayyam barshege qutli mubarek bolsin. Bayram na’pesi filialimiz da baslandi. Milliy tag’amlar jayildi shet-elli miymanlarda kelip sumelek qazani juzin filial direktori menen bitgelikte ashti. Keyini oyin zawiqlarģa ulasip ketti. Miymanlar menen student jaslar sawbette boldi ham qiziqli sorawlar berip milliy ayaq oyinlarin oynadi. Su’melek ashiliw ma’resiminen son’ bolsa Filiamiz Jaslar awqami ta’repinen sho’lkemlestirilgen konsert bag’darlamasi miymanlarimiz, uztazlarimiz ham student jaslarimizga qoyip berildi.

Япония пуқаралық инженеринг жәмийетиниң Қоршаған орталық инженериясы бойынша XIX-илимий әмелий сапары шеңберинде ТашМАУ Нөкис филиалындағы ушырасыў кешеси

Нөкис қаласы, 06.03.2018

2018-жыл 6-март күни Филиалымызда Япония пуқаралық инженеринг жәмийетиниң Қоршаған орталық инженериясы бойынша Киото, Киушу ҳәм Гифу университетлери изертлеўшилери, профессор ҳәм студентлери мийман болды. Топар ағзалары Киушу университети профессоры Тетсуя Кусуда, докторанты Хироюки Хонда, Киото университети профессоры Казуюки Ошита, докторанты Сатору Юкиока, магистрантлары Таиши Ушижима, Зенг Занг, Гифу университети питкериўшиси Шого Ёшида ҳәм Киото университетинен илимий излениўшиси Темур Хожаназаровлардан ибарат болып, мийманларды Филиалымыз директоры Е.Төрениязов жыллы жүзлилик пенен күтип алды. Япониялы мийманларға филиалдың структурасы, қәнигеликлер, алып барылып атырған илимий изертлеў жумыслары ҳақкында айтып берди. Филиалда шет ел университетлери менен халықаралық ислесиў барысы, соның ишинде, Японияның OYO корпорациясы, Токио аўыл хожалығы ҳәм менежмент университети ҳәм Чиба университетлери менен биргеликте ислесиў меморандумлары дүзилгенин айрықша атап өтти. Өз нәўбетинде Киушу университети профессоры Тетсуя Кусуда ҳәм Киото университети профессоры Казуюки Ошиталар да бул сапар Япония пуқаралық инженеринг жәмийетиниң XIX-илимий-әмелий сапары есапланып, буннан гөзленген мақсет Ташкент мәмлекетлик аграр университетиниң Нөкис филиалы профессор-оқытыўшылары ҳәм студентлери менен ушырасыў, Өзбекистанда, соның ишинде Қарақалпақстандағы қоршаған орталық ҳәм аўыл хожалығы тараўы машқалалары ҳаққында сәўбетлесиў, Япония пуқаралық инженеринг жәмийети, Киото, Киушу ҳәм Гифу университетлеринде алып барылып атырған усы тараўларға тийисли илимий изертлеў жумыслары ҳаққында презентациялар ислеўден ибарат екенлигин билдирди. Сондай-ақ, келешекте Япония пуқаралық инженеринг жәмийети, Киото, Киушу ҳәм Гифу университетлери ҳәм ТашМАУ Нөкис филиалы ортасында бирге ислесиўди жолға қойыў режелестирилди. Буннан соң, Япониялы мийманлар директор басшылығында филиалымыздағы аўыл хожалығы ҳәм ветеринария музейин тамашалады.
Сол күни Филиалдың киши конференция залында филиал профессор-оқытыўшылары, студент жаслары менен Япониялы мийманлардың ушырасыўы өткерилди. Ушырасыўда Япония изертлеўшилери, профессор ҳәм студентлери тәрепинен презентациялар исленди. Киушу университети докторанты Хироюки Хонда өзиниң алып барып атырған илимий изертлеў жумысы атмосфера қурамындағы карбонат ангидридин таў жынысларына, тасқа белгили бир температурада ҳәм басым астында киргизип, изертлеў алып барып атырғанлығын айтып өтти. Оның бул илимий жумысы айырым раўажланған мәмлекетлерде (соның ишинде Японияда) өндирис шығарған корбонад ангидридин атмосфераға шығармай, таў ҳәм жер астында сақлаўда тастың ҳаўа басымыны шыдамлылығын тексериў бойынша нәтийжелерди усынатуғынын билдирип өтти.
Киото университети докторанты Сатору Юкиока инженерия ҳәм технология бойынша алып барған жумыслары ҳаққында презентация иследи. Өзиниң презентациясында ол қатты ҳәм микро (майда) пластиклердиң қоршаған орталыққа зыяны ҳаққында сөз етти. Бул бойынша Непал, Сингапур ҳәм Японияның ири қалалары көшелеринде жыйнаған анализлериниң лабораториядағы жуўмақларын түсиндирди.
Киото университети профессоры Казуюки Ошита болса, аўыл хожалығында тәбийғый төгинлерди (қый) пайдаланыўдың жаңаша технологиялары ҳаққындағы илимий изертлеў жумысын ушырасыў қатнасыўшылары нәзерине усынды. Киушу университети профессоры Тетсуя Кусуда Арал теңизи ҳәм суўды басқарыў темасында презентация иследи. Профессор Арал теңизин қутқарып қалыў бойынша өзиниң илимий пикирлерин билдирип, бул бойынша системалы түрде жерден ҳәм суўдан дурыс пайдаланыў, аймақтағы республикалар ортасында суў сиясатын ислеп шығыў, аўыл хожалығында суўдан пайдаланыўдың инновациялық усылларын ендириў бойынша илимий жуўмақларын баян етти. Сондай-ақ, ҳәзирги күни Японияда қолланылып атырған тамшылап суўғарыў технологиясы ҳаққында кең түрде айтып берди.
Япониялы мийманлар ҳәм Филиал жәмәәти естелик ушын сүўретлерге түсип, мийманлар менен хошласты.


ТашМАУ Нөкис филиалы
Халықаралық байланыслар
бөлими баслығы Б.Султамуратов

English do’geregi kulubi jaslari ta’repinen ” English party ” bolip o’tti

Tashkent mamleketlik agrar universiteti No’kis filialinda 12-mart ku’ni O’zbek ha’m Shet-tiller kafedrasinin ‘ basshilig’inda filial studentlerinin’ English do’geregi kulubi jaslari ta’repinen ” English party ” bolip o’tti.Kesheni do’gerek basshisi Abadan Reypova aship berdi. Keshege do’gerek studentleri ta’repinen ayaq-oyin, saqnaliq ko’rinis, shet-tilinde qosiqlar ha’m yumorg’a bay ko’rinisleri menen qatnasti. Qalaberse filialimiz Agrolife kvn komandasi o’z ko’rinislerin inam etti.Keshe juwmag’inda filialimiz Baslang’ish sho’lkem jetekshisi Jetkinshek Ibraymov keshe sho’lkemlestiriwshilerin siyliqlap, minnetdarshiliq sezimlerin bildirdi.

Тайарлаган: Ауыл хожалыгы егинлери хам тукымгершилик талим багдары 3-курс студенти Гоззал Турсымуратова

Заковат интелектуал ойыны

8- март халк-аралык хаял-кызлар куни байрамы мунасибети менен 12-март куни Озбекстан Жаслар аукамы ТашМАУ НФ баслангыш шолкеми тарепинен студентлер турар жайында Заковат интелектуал ойыны откерилди.Ойынга Гуллар, Бахор хам Шдевер топарлары катнасты.Жарыс жуумагында аукам тарепинен шолкемлестирилген байрам саугасы хам хурмет жарлыклары менен катнасыушыларды сыйлыклады.

Тайарлаган: Агрономия факултети жетекшиси Абдуганиев Жумабек

8-март халк-аралык хаял-кызлар байрамы

Хурметине шахлар тазим айледи,
Кадемине байрам,базим айледи,
Булт артынан шыккан айдай жузиннен,
Мажнунлер жанына жазим айледи,
Кудиретли бир кушсен-Хазирети хаял!

Хаял инабатлы,хаял кийели,
Кыз-патша,жигит-уазир басын ийеди,
Кунге мойын бурган айгабагардай,
Хар биринди Лайли киби суйеди,
Сол Мажнун дартине малхамсан,хаял.

8- март халк-аралык хаял-кызлар куни байрамы мунасибети менен Ташкент мамлекетлик аграр университети Нокис филиалында байрам кешеси болып отти. Кеше ни филиал директоры Е.Ш.Торениязов ашып берди хам байрам менен кутлыклап устазларды хам белсенди студент жасларды хурмет жарлыгы менен сыйлыклады.
Кешеге Каракалпак естрада жулдызларынан бир канша мийманлар келип оз косыкларынан инам етти.Филиалымыздын “Спиндер” Квн командасы озлеринин кызыклы,юморга бай коринислери менен байрамга еледе котеринки кейпият уласты.Калаберсе филиалымыз барше устазлары хам студент жаслар катнасып байрам заукы еледе котеринки рууыхта болып отти.