Kafedra baslǵı: | Kallibekova Zulxumar Berdubekovna | |
Telefon: | +99891-370 64 71 | |
E-mail: |
Gumanitar pánler kafedrası tariyxı
Tashkent mámleketlik agrar universiteti Nókis filialı quramında 2003-jıldan Gumanitar pánler kafedrası jumıs basladı. 2003-2009-jılları tariyx ilimleri kandidatı N.Tleubergenova, 2009-2012 jılları tariyx ilimleri doktorı, professor B.Qoshanov basqarǵan, 2012-jıldan beri kafedra baslıǵı lawazımında tariyx ilimleri kandidatı Z.Kallibekova basshılıq etpekte.
Kafedrada bakalavr ta`lim baǵdarları boyınsha oqıw rejesi tiykarında jámi 6 pán bolıp, «Ózbekstannıń eń jańa tariyxı», «Dene tárbiyası hám sport», «Ózbekstandı rawajlandırıw strategiyası: Puqaralıq jámiyeti», «Kásiiplik psixologiya», «Pedagogika, psixologiya», «Puqaralıq jámiyeti» pánlerinen, magistratura qánigeligi boyınsha 1 pán, «Ilimiy izertlew metodologiyası» páni, sırtqı bólim qánigelikleri boyınsha 2 pán «Ózbekstannıń eń jańa tariyxı», Ózbekstandı rawajlandırıw strategiyası: Puqaralıq jámiyeti» pánleri oqıtıladı.
Usı jıllar dáwirinde kafedrada jámi 7 professor – oqıtıwshılar jumıs alıp bardı. Professor – oqıtıwshılardan 3 ilimiy dárejege iye (B.Bekimbetov, Z.Kallibekova, A.Naurızova), 1 aǵa oqıtıwshı (Z.Mambetniyazova) hám 3 assistent oqıtıwshılar (A.Seyfullaev, A.Kannazarov. Z.Allaniyazov).
Kafedramız Respublikadaǵı basqa joqarı oqıw orınları hám hám jetekshi ilimiy oraylar menen baylanısqa iye.
Baspadan shıǵarılgan oqıw kollanbalar
- Nawrızova, F.Yusupova «Kórkem oqıw» metodikalıq qollanba. N.: «Qaraqalpaqstan». 2008.
- Mámbetniyazov, Z.Mámbetniyazova «Xalqı qádirlegen insan». N.:«Bilim», 2011.
- Bekimbetov, Z.Mámbetniyazova Ózbekstan tariyxı. Oqıw qollanba, 2015.
- Bekimbetov B. Mambetniyazova Z. “Ózbekistan – insaniyat civilizaciyasiniń ayyemgi oshaqlarinan biri”. “Miraziz” JShJ baspaxanası. 2016 j.,
- Kazakov, Z. Allaniyazov, A. Kannazarov “Fizikaliq shiniǵiwlar hám Valeologiya”. “Miraziz” JShJ baspaxanası. 2017 j.
- Bekimbetov B., Turganov B., Seyfullaev A. «Islam táliymatı tiykarları». “Miraziz” JShJ baspaxanası. 2019 j.
- Bekimbetov B. Mambetniyazova Z. «Sociologiya». “Miraziz” JShJ baspaxanası. 2019 j.
- Turebekov M., Urazbaeva R., Hákimniyazov J., Tureeva G., Bekimbetov B. «Tariyxıy terminlerdiń túsindirme sózligi». Nókis. 2020.
Kafedranın ilimiy-ámeliy baylanısları
Berdaq atındaǵı Qaraqalpaq mámleketlik universiteti, Ájiniyaz atındaǵı Nókis mámleketlik pedagogika institutı, Ózbekstan Respublikası Ilimler Akademiyası Qaraqalpaqstan bóliminiń Qaraqalpaq gumanitar pánler ilimiy-izertlew institutı.
Kafedranın keleshektegi rejeleri:
- Tiykarǵı kurslar boyınsha mámleketlik tildegi sabaqlıq hám oqıw qollanbalardı tayarlawdı ámelge asırıw;
- Filosofiya, Tariyx qánegeligi boyınsha pán doktorların tayarlaw;
- Kafedra baǵdarları boyınsha respublika hám shet el ilimiy – ámeliy konferenciyaǵa belsene qatnasıw;
- Filial studentlerin respublika hám jáhán sheńberinde bolıp ótetugın sport jarıslarına tayarlaw hám qatnasıwdı támiyinlew;
- Filial sheńberinde professor-oqıtıwshılar, studentler ortasında sport jarısların shólkemlestiriw hám sporttıń ǵalabalıǵına erisiw ushın ámeliy ilájlardı alıp barıw;
- Kafedra professor-oqıtıwshıları «El-yurt» fondı boyınsha shet ellerde qánigeligin asırıw hám ilimiy izertlew jumısların alıp barıw;
- Tómendegi ilimiy temalar boyınsha ilim izerlew jumısların orınlaw;
- Áyyemgi dáwirlerde hám orta ásirlerde Qaraqalpaqlardıń kompleks xojalıǵı tariyxı;
- Qaraqalpaqlardıń kompleks xojalıǵı tariyxı;
- Ǵárezsizlik dáwirinde mámleketimizdiń agrar siyasatı tariyxı;
- Ulıwma bilim beriw mekteplerinde «Qaraqalpaqstan tariyxı» pánin oqıtıwda innovacion texnologiyalardı qollaw hám jetilistiriw;
- Qaraqalpaq tilindegi etiket sózler;
Házirgi waqıtta kafedra professor-oqıtıwshılar quramı: 7;
- Ilimiy dárejege iye professor-oqıtıwshılar: 3; (Bekimbetov B., Kallibekov Z., Naurızova A.)
- Docent: 2; (Bekimbetov B., Kallibekova Z)
- Aǵa oqıtıwshı: 2; (Naurızova A., Mambetniyazova Z)
- Assistent; 3; (Seyfullaev A., Kannazarov A., Allaniyazov Z.)