Амалдаги лойиҳалар

          Ҳозирги вақтда филиалимизда Ўзбекистоннинг қишлоқ хўжалигига иҳтисослашган 4 олий таълим муассаcаси: Тошкент давлат аграр университети, Андижон қишлоқ хўжалиги институти, Самарқанд қишлоқ хўжалиги институти, Тошкент давлат аграр университети Нукус филиали ва Европанинг 4 олий таълим муассасаси: Италиянинг Пиза ва Падова университетлари, Эстониянинг Ҳаётий фанлар университети, Португалиянинг Порту Университети ҳамкорлигида Европа Иттифоқининг ERASMUS+ таълим жараёнида халқаро ҳамкорликни ривожлантириш Дастурининг 586000-ЕРР-1-2017-РТ-ЕРРКА2-СВНЕ-JP BUZNET: «Ўзбекистонда ветеринария тармоғида аралаш таълим» лойиҳаси амалга оширилмоқда.

  Лойиҳанинг мақсади Ўзбекистонда ветеринария соҳаси бўйича профессионал мутаҳассисларни таёрлаш, ОТМларида ветеринарияни ўқитишда аралаш таълимни йўлга қўйиш ҳисобланиб, шу мақсадни амалга ошириш учун ҳамкор олий таълим муассасалари ўртасида тажриба алмашиш амалга оширилади. Бу тажриба алмашиш фақат ветеринарияни ўқитиш бўйича эмас, шунинг билан бирга, амалиётда ҳам (мол фермалари, сутни қайта ишлаш заводлари, чорвачилик хўжаликлари) тажриба алмашишни кўзда тутади. Лойиҳа доирасида 2018 йил 19-20 март кунлари филиалимизда икки кунлик илмий-амалий семинар ўтказилди. Семинарга Португалиянинг Порту университетидан Августо Фаустино ва Мария Граса Лопес, Эстониянинг Эстония Ҳаётий илмлар университетидан Девид Ерней, Италиянинг Падова университетидан Стефано Ромагноли ва Антонио Молло филиалимизга ташриф буюришди. Семинар давомида филиал директори Е.Торениязов, Олий таълимни ривожлантириш бўйича экспертлар гуруҳи аъзоси Б.Палуанов «Қорақалпоғистон олий таълим муассасаларида Европа иттифоқининг Эрасмус+ лойиҳалари» мавзусида, BUZNET лойиҳаси бош координатори, профессор Августо  Фаустино лойиҳа мақсади ва вазифалари, амалга ошириш жараёни, кутиладиган натижалар туғрисида тақдимотлар қилишди. Шунингдек, лойиҳа доирасида меҳмонлар Хўжали, Қараўзак туманлари ва Нукус шаҳридаги чорвачилик фермалари ва сутни қайта ишлаш кархоналарига амалий сафар қилди.

       Лойиҳа доирасида ташкил этилаётган ўқув курсида иштирок этиш мақсадида “Зоотехния ва ветеринария” кафедраси мудири С.Ешмуратова ва “Кишлоқ хўжалиги маҳсулотларини сақлаш, доривор ўсимликларни етиштириш ва қайта ишлаш технологияси” кафедраси ассистенти Ш.Шаниязов 2018 йил 22 октябрь – 22 декабрь оралиғида Италия давлатининг Пиза ва Падова университетлари, Португалия давлатининг Порту университети ва Эстония давлатининг Хаёт фанлари университетларига сафар қилишди.