Qaraqalpaqstan awıl xojalıǵı hám agrotexnologiyalar institutında “Eń jaqsı joqarı bilimlendiriw oylap tabıwshısı” tańlawınıń institut basqıshınıń ótkeriliwi haqqında Institut oqıtıwshıları hám studentleri arasında hár bir baǵdar boyınsha ótkeriletuǵın “Eń jaqsı joqarı bilimlendiriw oylap tabıwshısı” tańlawı járiyalanbaqta.
 Tańlawǵa usınılatuǵın arzalar 2026-jıl 11-mayǵa shekem qabıl etiledi.
 Tańlawınıń institut (saylap alıq) basqıshı 2026-jıl 2-iyun kúni ótkeriledi.
 Tańlawdıń shártleri.

1. Tańlawda institutta jumıs alıp barıp atırǵan professor-oqıtıwshılar hám studentler qatnasıw huqıqına iye.

2. Tańlawda qatnasıwshı talabanlar tómendegi tiykarǵı baǵdarlar boyınsha arza tapsıradı:
jasalma intellekt, programmalastırıw hám xabar texnologiyaları;
injenerlik, óndiris hám qayta islew tarawları;
anıq hám tábiyıy pánlerge tiyisli bilimlendiriw baǵdarları;
ekologiya hám qorshaǵan ortalıqtı qorǵaw;
veterinariya hám awıl xojalıǵı (sonıń ishinde, balıqshılıq hám toǵayshılıq);
densawlıqtı saqlaw, medicina hám miynetti qorǵaw;
arxitektura hám qurılıs;
transport hám logistika xızmetleri.

3. Tańlawda qatnasıwshı talabanlar tómendegi talaplarǵa juwap beriwi kerek:
Institutta jumıs islep atırǵan professor-oqıtıwshı yamasa student bolıwı;
anıq bir oylap tabıwǵa yamasa paydalı modelge iye bolıwı.

4. Burın ótkerilgen usı tańlawlarda qatnasqanlar usı joybarları menen
tańlawda qatnaspaydı.

5. Tańlaw úsh basqıshta ótkeriledi:
1-saylap alıw basqıshı – joqarı oqıw orınları kóleminde talabanlar arasınan
tiykarǵı baǵdarlar boyınsha eń jaqsı oylap tabıwshılar tańlap alınadı;
2-aymaqlıq basqısh – Qaraqalpaqstan Respublikası kóleminde jumıs alıp barıp
atırǵan joqarı oqıw orınlarında tiykarǵı baǵdarlar boyınsha jeńimpaz bolǵan
talabanlar arasında;
3-respublika basqıshı – respublika kóleminde Qaraqalpaqstan Respublikası,
wálayatlar hám Tashkent qalası basqıshında jeńimpaz bolǵan talabanlar arasında.

6. Ishki tańlaw juwmaqları tiykarında tiykarǵı baǵdarlar boyınsha jeńimpaz
dep tabılǵan bir talaban aymaqlıq basqıshqa usınıs etiledi.

7. Tańlaw basqıshınıń nátiyjeleri járiyalanǵan kúnnen baslap bir kún
múddette jeńimpaz bolǵan talabanlar arzalardı elektron platforma (ixtiro.ilmiy.uz)
arqalı aymaqlıq basqıshqa jiberedi.

8. Shólkemlestiriwshiler hám Komissiya aǵzalarınıń jaqın aǵayinleri
Tańlawda qatnasıw huqıqına iye emes.

9. Tańlawǵa usınılǵan oylap tabıwlardı bahalaw tómendegi kriteriyalar
boyınsha ámelge asırıladı:
• energiya hám resurslardı únemlew, zamanagóy texnologiyalar hám jana
materiallar jaratıw hám olardan paydalanıw;
• ekologiyaga sáykesligi (qorshagan ortalıqtı qorǵaw boyınsha mashqalalardı
sheshiw);
• sociallıq áhmiyeti (miynet sharayatların jaqsılaw, insanlar ushın qolaylıq
jaratıw);
• obyekttiń islep shıǵarıw dárejesi (paydalanıwǵa tayarlıǵı: sınaw-sanaat
yamasa dáslepki úlgi, laboratoriya maket úlgisi bar ekenligi);
• eksportqa mólsherlengenligi;
• importtiń ornın basıw.
• oylap tabiw yaki paydalı modelge patent alınǵanlıǵı.

 Tańlaw nızamı menen usı silteme arqalı tanısıw múmkin.
Aymaqlıq basqıshtan baslap arzalar platforma (ixtiro.ilmiy.uz) arqalı dizimnen ótkeriwde hújjetler boyınsha maǵlıwmatlardı tómendegi sayt arqalı bilip alıwıńız múmkin. Gov.uz