Biz xalıqtıń atı menen emes, bálki mádeniyatı, mánáwiyatı arqalı bilemiz. Keleshekti biz tarıyxsız qura almaymız tarıyx mánáwiyattıń tiykarı.Solay eken hár bir insan ózinde insanparwarlıq, ruwxıylıq, óz xalqınıń hám milletiniń milliy ideyasın oyatatuǵın tereń erkin pikirge iye bolıwı lazım. Óz tarıyxın bilgen hám onnan ruwxıy azıq alatuǵın xalıqtı jeńip bolmaydı onıń taıyxı hám ondaǵı xalıqtıń hám millettiń milliyligin asırap abaylaw hár bir insannıń eń áhmiyetli wazıypası esaplanadı.

 4-Texnologiyalıq processti atomatlastırıw hám basqarıw (awıl xojalıǵında) qániygeligi kuratorı S.Tursımuratov óz sózinde. Búgingi kúnde mine usınday uzaq tariyxtı basıp ótken, ata-babalarımızdıń ideologiyası hám dúnyaqarası haqqında sóz etetuǵın milliy kiyimlerimizdi saqlap qalıw hám ǵalaba en jaydırıw – bul milliyligimizdi saqlap qalıw degen sóz. Milliy kiyimler tek ǵana gózzallıq hám usıldı emes, al tariyxıy hám ruwxıy qádiriyattı da ózinde jámlegen. Milliy kiyimler hár bir xalıqtıń tariyxı menen tıǵız baylanıslı. Milliy kiyimler hár túrli etnikalıq belgileri menen ajıralıp turadi. Jáhán tariyxında kiyimler adamzat rawajlanıwınıń eń áyyemgi dáwirlerinde, yaǵnıy 40-25 mıń jıl aldın payda bolıp, olarda xalıqtıń ekonomikalıq jaǵdayı, insanlardıń talǵamı, gózzallıqqa bolǵan umtılısları ayqın kórinedi.