«Munozara» intellectual oyınında studentler oratorlıǵın kórsete aldı

Festival sheńberinde «Munozara» intellektual oyınına institutımızdıń 4 fakultetinen jámi 12 student jaslar qatnasıp, ózleriniń sóz sheberligin, erkin pikirlew qábiletin, oy-órisin hám sóylew mádeniyatın kórsete aldı.

Hár bir toparda 3 qatnasıwshı bolıp, olar «Perzent tárbiyasında ustaz roli ata-ana rolinen joqarılaw» degen tema boyınsha «Biykarlawshı» hám «Tastıyıqlawshı» toparlarda ózleriniń erkin pikirlerin bayan etti hám tema dógereginde kóz qarasların bildirdi.

Hár bir insannıń óziniń pikirlew dúnyası bolǵanlıqtan, qatnasıwshılar óz pikirin mısallar járdeminde tastıyıqlap hám dálillep beriwge háreket etti.

Oyın tartıslı pikirlerge bay, qızıqlı hám mazmunlı ótti.