«Jas aspazlar» tańlawı bolıp ótti

“Jańa Ózbekstan jasları, birleseyik!” súreni astında ótkerilip atırǵan “Studentler báhári” festivalı sheńberinde Qaraqalpaqstan awıl xojalıǵı hám agrotexnologiyalar institutında «Jas aspazlar» tańlawı bolıp ótti.

Tańlawǵa hár bir fakultetten bir er bala hám bir qız bala qatnasıp, olar palaw taǵamın hám túrli salatlardı tayarlawdaǵı aspazlıq sheberliklerin kórsetiwge háreket etti.

Qatnasıwshılardıń aspazlıq mádeniyatı, taǵamdı tayarlaw, bezew qaǵıydaları tóreshiler tárepinen bahalanıp barıldı hám tańlaw juwmaǵında jeńimpazlarǵa diplom hám sawǵalar tapsırıldı.