Dlanova Gulziyba Gulimbet qızı Qaraqalpaqstan awıl xojalıǵı hám agrotexnologiyalar institutı “Awıl xojalıǵın mexanizaciyalastırıw hám suw xojalıǵı” fakulteti Awıl xojalıǵın mexanizaciyalastırıw tálim baǵdarı studentı bolǵan kúnlerinen bilimge qushtar, tırısqaqlıǵı menen zamanlasları arasında ajıralıp turatuǵın edi. Ol institutımızda ustazları menen birge alip bargan ilimiy-izertlew jumıslarınıń nátiyjeliligin arttırıw maqsetinde Húrmetli Prezidentimiz hám institutımız rektorı tárepinen jaratılǵan

imkaniyatlardan toliǵi menen únemli paydalana aldı. Sonday-aq, respublikalıq hám xalıqaralıq konferenciyalarda ilimiy maqalaları menen turaqlı qatnasıp keleldi. Álbette islengen miynet bugin óz jemisin berdi ham ol 2024-2025-oqıw jılında Prezident stipendiyası jeńimpazı bolıw baxtına miyassar boldı.

———————————————————————————————————————————————————————-

  Sevara Urazbaeva Maxmudovna Qaraqalpaqstan awıl xojalıǵı hám agrotexnoloiyalar institutı “Agrotexnologiya hám toǵayshılıq” fakulteti Toǵayshılıq tálim baǵdarına studentlikke qabıl etilgen kúninen baslap óziniń tırısqaqlıǵı menen óz teńlesleri arasında ajıralıp turdı. Búgingi kúnge shekem 10 nan aslam ilimiy maqalaların Respublika hám xalıqaralıq jurnallarda shıǵarıp,bilimge bolǵan qızıǵıwshılıǵı nátijesinde 2024-2025-oqıw jılında “Tólepbergen Qayıpbergenov” atındaǵı mámleketlik stipendiya iyesi bolıwǵa eristi sol menen birge búgıngı kúnde institutımızda Jaslar akademiyası liderı dárejesinde jumıs alıp barmaqta.

———————————————————————————————————————————————————————-

 Joldasbaeva Uljan Qaraqalpaqstan awıl xojalıǵı hám agrotexnoloiyalar institutı Zooinjeneriya fakulteti Xabar sistemaları hám texnologiyaları” (awıl xojalıǵında sanlı texnologiya) tálim baǵdarı studenti.Ol student bolǵan kúnnen baslap aq bilimge qushtar hám óz ziyrekligi menen basqa studentlerden ajıralıp turdı.

2022-jılı Mustaqil Davlatlar Hamdóstliginiń Intellektual izlanuvchi kókrek nıshanı menen sıylıqlandı hám búgingi kúnge shekem 15 ten ziyat ilimiy maqalaların Respublika hám xalıqaralıq jurnallarda shıǵarıp kelmekte.

Usı jetiskenlikleriniń nátijesinde 2024-2025-oqıw jılında “Beruniy” atındaǵı mámleketlik stipendiya iyesi bolıwǵa eristi.

———————————————————————————————————————————————————————- 

 Jaqsimova Zuxra  Qaraqalpaqstan awıl xojalıǵı hám agrotexnoloiyalar institutı studenti. Tashkent qalasında 2023 jıl 13- yanvarda “Ilim – fan Iftixori” konferensiyasında óziniń ilimiy maqalası menen qatnasıp “Ilm-fan Iftixori” kókrek nıshanı menen sıylıqlandı.Házirde 15 ten ziyat ilimiy maqalaların Respublika hám xalıqaralıq jurnallarda shıǵarıp kelmekte hám 2024-2025-oqıw jılında “Islam Karimov” atındaǵı mámleketlik stipendiya iyesi bolıwǵa eristi.

———————————————————————————————————————————————————————-

 Sayıpnazarova Qumar Qaraqalpaqstan awıl xojalıǵı hám agrotexnoloiyalar institutı “Agrotexnologiya hám toǵayshılıq” fakulteti  Awil xojaliq ònimlerin saqlaw hàm dàslepki qayta islew texnologiyasi qàniygeligi studenti.

Búgingi kúnge shekem 15 ten artıq ilimiy maqalaların Respublika hám xalıqaralıq jurnallarda shıǵarıp, 2022-jılı Mustaqil Davlatlar Hamdóstliginiń “Eng yaxshi xizmatlari uchun” kókrek nıshanı menen sıylıqlandı hám óziniń izleniwsheńligi hám ustazlarınıń bergen bilimleriniń nátijesinde 2024-2025-oqıw jılında “Beruniy” atındaǵı mámleketlik stipendiyantı bolıwǵa miyassar boladı.

———————————————————————————————————————————————————————-

 Ishmuradova Aysafar  Qaraqalpaqstan awıl xojalıǵı hám agrotexnoloiyalar institutı studenti. 2022-jılı Mustaqil Davlatlar Hamdóstliginiń Intellektual izlanuvchi kókrek nıshanı menen sıylıqlandı, búgingi kúnge shekem 15 ten ziyat ilimiy maqalaların Respublika hám xalıqaralıq jurnallarda shıǵarıp kelmekte, sol qatar 2024-oqıw jılında  shet tillerge bolǵan qiziǵiwshiliǵi tiykarında B2 dárejedegi sertifikatı iyesi boldı.

Usınday joqarı nátijeleri joqarı bahalanıp 2024-2025-oqıw jılında “Ibrayım Yusupov” atındaǵı mámleketlik stipendiya iyesi bolıw baxtına eristi. Stipendiyantımızǵa aldaǵı oqıwlarında tabıslar tilep qalamız.