Qıtay Xalq Respublikasınıń “Peng Sheng Crop Protection” hám “Lanko Miya” kárxanası wákilleri menen sheriklik.

  2024-jıldıń 30-oktyabr kúni Qaraqalpaqstan awıl xojalıǵı hám agrotexnologiyalar institutına Qıtay Xalq Respublikasınıń “Peng Sheng Crop Protection” kompaniyası bas direktorı Ma Bei Lei, kompaniya is basqarıwshısı Tursunov Jonibek hám “Lanko Miya” kárxanası is basqarıwshısı Wue Ping Peng miymanda boldı. Miymanlardı institutımız rektorı B.Jollıbekov hám Ilmiy isler hám innovaciyalar boyınsha prorektor A.Alimov kútip alıp, ushırasıw shólkemlestirildi.
 Ushırasıwdı institutımız rektorı óz kiris sózi menen ashıp berip, házirgi kúnde institutımizda shet el mámleketleri JOOları hám ilmiy institutları menen birgelikde ámelge asırılıp atırılǵan xalqara joybarlar haqqında tolıq maǵlıwmat berdi. Bunnan soń, “Peng Sheng Crop Protection” kompaniyası bas direktorı Ma Bei Lei kompaniyası tárepinen Ózbekıstanda jolǵa qoyılǵan iskerlikleri hám awıl xojalıǵı tarawında ámelge asırıp atırǵan joybarları haqqında aytıp ótti. Tiykarınan kompaniyası tárepinen paxtanıń kóp zúráát beriwshi jańa túrlerin fermer xojalıq hám klasterlerde óndirisge engizilip atırılǵanlıǵın atap ótti. Maǵlıwmat retinde házirgi kúnde Qıtayda paxtadan gektarına 70-80 sentnerge deyin ónim alıp atırǵanlıǵın hám zúráátı keleshekte 110-120 senterge asırıw ústinde tájriybeler qılınıp atırǵanlıǵı haqqında maǵlımat berip, óz tájriybelerin bólisiw niyetinde ekenligin bildirdi.
  Ushırasıw sońında, birge islesiwdi jolǵa qoyıwdı, institutımiz studentlerniń ámeliyat alıp barıwı ushın óz kárxanalarında shárt-sharayıtlar jaratıw hámde professor-oqıtıwshılarımızdıń Qıtay JOOlarında qániygeligin asırıw maqsetinde ortada baylanıstırıwshi kópir wazıypasın atqarıw boyınsha dáslepki rejeler belgilep alındı.