Institutımizda Ájiniyazdıń 200 jıllıǵına arnalǵan bayram keshesi bolıp ótti

     Xabarıńız bar, Ózbekstan Respublikası Prezidentiniń 2024-jıl 16-iyuldegi “Ataqlı qaraqalpaq shayırı hám oyshılı Ájiniyaz Qosıbay ulı tuwılǵanlıǵınıń 200 jıllıǵın keń nıshanlaw haqqında”ǵı arnawlı qararı tiykarında respublikamız boylap keń kólemli ilajlar bolıp ótpekte. Usı tiykarda búgin 19-noyabr kúni Qaraqalpaqstan awıl xojalıǵı hám agrotexnologiyaları institutında bayram keshesi bolıp óttı. 

    Ilájǵa   Qaraqalpaqstan Respublikasına miyneti sińgen mádeniyat xizmetkeri,   ” Shuxrat medalı” menen sıylıqlanǵan shayır, jazıwshı, dramaturg hám jurnalist Á.Ótepbergenov, professsor-oqıtıwshılar  hám student-jasları da belsene qatnastı. Bayram keshesin jaslar máseleleri hám ruwxıy-aǵartıwshılıq isler boyınsha birinshi prorektor R.Ibragimova  ashıp berdi hám basqarıp bardı. Onnan soń miymanımız shayırdıń ómiri hám dóretiwshiligine arnap jazǵan qosıq qatarların kórkemlep  oqıp berdi.

   Ílájde institutımız kóleminde Ájiniyaz Qosıbay ulınıń 200 jıllıǵına arnap ótkerilgen tańlawlar jeńimpazları estelik sawǵaları menen sıylıqlandı. Bayram sońında milliy saz-sáwbetler menen kóterińki keypiyatta ótti.