Qaraqalpaqstan awıl xojalıǵı hám agrotexnologiyalar institutı Suwshılar mektebinde media-tur ótkerildi.

    Prezidentimiz tárepinen islep shıǵılǵan áhmiyetli baslamalardıń 3-jónelisi tiykarında búgin 28-yanvar kúni Qaraqalpaqstan awıl xojalıǵı hám agrotexnologiyalar institutı Suwshılar mektebinde shólkemlestirilgen Awıl xojalıǵı tarawında suw resurslarınan aqılǵa muwapıq paydalanıw hám Institutta ámelge asırılıp atırǵan jumıslar menen ǵalaba xabar quralları wákillerin keń túrde tanıstırıw maqsetinde media-tur ótkerildi.

   Media-turǵa Respublikamızdaǵı ǵalaba xabar qurallarınıń wákilleri, Qaraqalpaqstan awıl xojalıǵı hám agrotexnologiyalar institutı rektorınıń jaslar máseleleri hám ruwxıy-aǵartıwshılıq isler boyınsha birinshi prorektor R.Ibragimova, professor-oqıtıwshılar hám studentler qatnastı.

  Bolıp ótken media-turdı jaslar máseleleri hám ruwxıy-aǵartıwshılıq isler boyınsha birinshi prorektor R.Ibragimova kiris sóz benen ashıp berdi.

  Onnan soń Suw xojalıǵı hám jerden paydalanıw kafedrası baslıǵı A.Djumanazarova, Suwshılar mektebi Nókis rayonı tájiriybe maydanshasına juwapker A.Arzimbetov hám Suw xojalıǵı hám jerden paydalanıw kafedrası docenti Sulayman Kodal ilaj qatnasıwshılarına Respublikamızdaǵı suw resurslarınan aqılǵa mapıq paydalanıw hám bul baǵdarda alıp barılıp atırǵan tájiriybeler jumaǵı menen bólisti.

  Media-tur juwmaǵında qatnasıwshılar ózlerin qızıqtırǵan sorawlarǵa juwaplar aldı hám Qaraqalpaqstan awıl xojalıǵı hám agrotexnologiyalar institutı Suw xojalıǵı hám jerden paydalanıw kafedrası laboratoriyasındaǵı zamanagóy ásbap-úskeneler menen tanıstırıldı.