Ózbekstan Respublikası Prezidentiniń 2020-jıl 6-oktyabrdegi “Informaciya texnologiyaları tarawındaǵı bilimlendiriw sistemasın jáne de jedellestiriw, ilimiy-izertlewlerdi rawajlandırıw hám IT-industriya menen integraciyalaw is-ilajları haqqında”ǵı PQ-4851-sanlı qararına muwapıq Qaraqalpaqstan awıl xojalıǵı hám agrotexnologiyalar institutı tárepinen ulıwma bilim beriw mektepleriniń pitkeriwshileri arasında “INFORMATIKA HÁM INFORMACIYALÍQ TEXNOLOGIYALAR” páni boyınsha olimpiada shólkemlestirildi.

  Eń dáslep institutımız rektorı B.Jollibekov ótkerilip atırǵan olimpiada qatnasıwshılarına institutimiz haqqında hám búgingi kúnde IT tarawınıń áhmieti awıl xojalıǵındaǵı ornı haqqında maǵlıwmatlar keltirip, qatnasıwshılarǵa áwmet tiledi hám olimpiadanı ashıq dep járiyaladı.

 Bunnan soń shólkemlestiriwshiler tárepinen olimpiada tártip qaǵıydaları túsindirip ótildi hám qatnasıwshılar ózleri ushın tayarlanǵan orınlarǵa barıp jaylasıwına ruxsat berildi.  Derlik 3 saat dawam etken olimpiada barısın ata-analar hám ustazları onlayn baqlap otırıwı ushın shárt-sharayat jaratıldı.

  Olimpiada jumaǵına bala Shomanay rayonı 7-sanlı mektep tárbiyalanıwshısı Tolepov Islam Mamıt ulı jinilpaz boldı.  Jeńilpazdı institutımız rektorı B.Jollibekov qutlıqlap, institutımız tárepinen tayarlanǵan qımbat bahalı sawǵa hám maqtaw jarlıqları menen sıylıqlandı. Olimpiadada belsene qatnasqan qatnasıwshılar da institutımız tárepinen húrmet jarlıǵı menen sıylıqlandı.