2025 – jıl 18-19 – aprel kúnleri  Qaraqalpaqstan Awıl xojalıǵı hám agrotexnologiyalar institutı “Xabar texnologiyaları, matematika, fizika hám ximiya” kafedrası professor-oqıtıwshıları Nókis rayonı politexnikumında 26-24 -Traktorshı mashinist qániygeligi 1-2 – kurs oqıwshılarına 2025-2026 oqıw jılı ushın abiturentlerdi Inistitutqa baǵdarlaw úgit nasiyat jumısları hám master klass sabaqların ótip qayttı

 Texnikum direktorı B.Seytniyazov shıǵıp sóylep, institut penen jaqınnan baylanıslar ornatılǵanlıǵın aytıp instituttan kelgen professor – oqıtıwshılar menen tanıstırdı. ” Xabar texnologiyaları, matematika, fizika hám ximiya” kafedrası waqıtınsha wazıypasın atqarıwshı assistent A.Mambetov, dotsent T. Bauatdinov hám assisent G.Pirniyazova, G.Tursınbaevalarǵa sóz berdi. Olar institut haqqında sıpatlama beriwdi hám 2025-2026 oqıw jılı ushın qabıl procesin baslanǵanlıǵın hám pitkeriwshilerdi oqıwǵa shaqırıp qalıwdı usınıs qıldı. Institutda Xabar sistemaları hám texnologiyaları, Veterinariya, Zooinjeneriya, Suw bioresursları hám akvakultura, Jipekshilik baǵdarlarınıń bakalavr tálimi bar ekenligi hám kúndizgi hám sırtqı tálim alıwları múmkinligi bar ekenin aytıp ótildi. Sonday-aq kúndizgi tálimde oqıwshılar ushın barlıq jaǵdayǵa iye jataqxana bar ekenligin aytıp ótildi.

 Sonday-aq shet eller menen tájriybe almasıw maqsetinde studentlerdi shet ellerge  qániygeligin asırıw boyınsha ámeliyat ótiw imkaniyatın qolǵa kirgizip atırǵanlıǵı, sonıń menen bir qatarda studentlerdi tájriybe almasıwǵa tayarlaw ushın til kurslarınıń shólkemlestirilgenligin aytıp ótti. Bakalavr dárejesine iye bolǵannan keyin magistratura, Tayanısh doktarantura dárejelerine sırt ellerdiń TOP 1000 ǵa kiriwshi Universitetlerinde oqıw ushın imkaniyatlar bar ekenligi haqqındada ayrıqsha atap ótti. Barlıq pitkeriwshilerdi oqıwǵa usınıs etip, Institut haqqında videorolik usınıldı. Bunnan soń oqıwshılar óz qızıqtırǵan sorawlarına juwaplar aldı.