Xabarıńız bar, Ózbekstan Respublikası Awıl xojalıǵı ministri I.Abduraxmanovtıń usı jıl 4-iyul kúni Qaraqalpaqstan Respublikasına bolǵan  saparında ǵawasha tárbiyalaw agrotexnikasın durıs shólkemlestiriw hám ǵálleden bosaǵan maydanlardan nátiyjeli paydalanıw boyınsha diyqan hám fermer xojalıqlarına awıl xojalıǵı ónimlerin jetistiriwde áhmietli máwsimlik agrotexnikalıq ilajlardı professor-oqıtıwshılar qatnasıwında ilimiy tiykarlanǵan usınıslar beriw hám olardıń qatnasıwında aymaqlarda seminar shólkemlestiriw tapsırması berilgen edi.

 Usı tiykarda institutımız professor-oqıtıwshılarınıń qatnasıwında “2025-jıl zúrááti ushın ǵawasha tárbiyası hám ǵálleden bosaǵan maydanlardan nátiyjeli paydalanıwda tákirarıy eginler egiw” atamasında orınlarda seminarlar shólkemlestirildi.

 Sonday-aq, taraw ilimpazları hám ilimiy xızmetkerleri tárepinen 2025-jıl ónimi ushın tárbiyalanıp atırǵan ǵawasha maydanlarında “Áhmietli 30 kúnlik”te 5-iyulden-5-avgustqa shekem ámelge asırılatuǵın áhmietli agrotexnikalıq ilajlar boyınsha ilimiy-ámeliy tiykarlanǵan usınıslar, túsinikler berildi.

 Seminar dawamında sońǵı kúnlerde baqlanıp atırǵan anomal ıssı temperaturanıń ǵawashaǵa unamsız tásirin jumsartıw, jaratılǵan zúráátti saqlap qalıw hám qatar araların qayta islew, suwǵarıw, shilpish, zıyankeslerge hám nasekomalarǵa qarsı gúresiw, zúráátke-zúráát qosıw, ǵálleden bosaǵan maydanlarǵa tákirarıy eginler sıpatında ónimdarlıǵı joqarı, az suw talap etetuǵın eginlerdi tańlap alıw hám egiw, zúráátlilikti arttırıwda awıl xojalıǵı ónimlerin jetistiriwshilerge ilimiy usınıslar berildi.

 Ilaj juwmaǵında qatnasıwshılar ózlerin qızıqtırǵan sorawlarǵa qánigeler tárepinen juwaplar aldı hám tájiriybe almasıw imkaniyatına iye boldı.