2025-2026-oqıw jılı múnásibeti menen Qaraqalpaqstan awıl xojalıǵı hám agrotexnologiyalar institutında jańa oqıw procesi baslandı. Usı jıldıń 3-sentyabr sánesinen baslap institutqa birinshi ret qádem qoyıp, studentlik baxtına miyasar bolǵan 1-kurs studentleriniń sabaqları baslandı.

 Joqarı kurs studentleri bolsa 8-sentyabrden baslap óz oqıw procesin dawam ettiredi.

 Bul kún institut turmısında tariyxıy hám este qalarlıq kúnlerden biri bolıp, jańa áwlad studentleri bilim, izleniw hám jańalıqqa qaray birinshi qádem tasladı. Ilaj dawamında studentler institut basshıları, professor-oqıtıwshılar hám toparlasları menen jaqınnan tanısıw imkaniyatına iye boldı.

 Qaraqalpaqstan awıl xojalıǵı hám agrotexnologiyalar institutı jaslarǵa tek ǵana bilim alıw emes, al óz qábiletin kórsetiw, ilimiy hám dóretiwshilik izlenislerde belsendi bolıw ushın keń imkaniyatlardı beredi.