Búgin, 21-oktyabr kúni Qaraqalpaqstan awıl xojalıǵı hám agrotexnologiyalar institutında «Máripat taratıp» joybarı sheńberinde dóretiwshilik ushırasıw shólkemlestirildi. Ilajda “Sharq yulduzi” jurnalı bas redaktorınıń orınbasarı, belgili shayır, “Dostlıq” ordeniniń iyesi Aziz Said hám “Zarafshon” gazetasınıń bólim baslıǵı, belgili jazıwshı Isomiddin Pwlatov qatnastı.

Ilaj qatnasıwshıların instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı M.Dauletmuratov,  Jaslar menen islesiw, ruwxıylıq hám aǵartıwshılıq bólimi baslıǵı M.Tilegenov hám fakultet dekanları kútip aldı.   

Miymanlarǵa instituttıń bas imaratında shólkemlestirilgen kórgizbede awıl xojalıǵı tarawında alıp barılıp atırǵan jumıslar, studentlerdiń ilimiy hám dóretiwshilik jetiskenlikleri haqqında maǵlıwmat berildi.