Túsindiriw jumısların instituttıń birinshi prorektorı M. Dauletmuratov hám “Registrator ofisi” baslıǵı I.Sulaymanov alıp bardı. Jumıslar PQ-61-sanlı qarar talaplarına muwapıq shólkemlestirilip, Agrotexnologiya hám toǵayshılıq,   Zooinjeneriya, Awıl xojalıǵın mexanizaciyalaw hám suw xojalıǵı fakultetleriniń 4-kurs studentlerine imtiyazlı kreditler boyınsha tolıq túsinikler berildi.

Ilajda PQ-61-sanlı qarar talaplarına muwapıq pitkeriwshi studentlerdiń miynet bazarına beyimlesiwi, ózin-ózi bánt etiw imkaniyatların keńeytiw, startap ideyaların finanslıq qollap-quwatlaw hám “Keleshekke qádem” baǵdarlaması sheńberinde jeńilletilgen kreditlerden nátiyjeli paydalanıw máseleleri boyınsha tolıq maǵlıwmatlar usınıldı.

 Bul túsindiriw jumısları studentlerdi keleshektegi jumıs iskerligine tayarlaw, olardıń isbilermenlik hám finanslıq sawatlılıǵın arttırıwǵa xızmet etpekte.