Joqarı oqıw orınlarında oqıp atırǵan student-jaslarǵa arnalǵan kásiplik awqamı stipendiyası 2027-jıl ushın hújjetler qabıl etilmekte. Qálewshiler óz oqıw ornıńızdaǵı kásiplik awqam komitetine xabarlasıwıńızdı soraymız.

Ózbekstan kásiplik awqamları Federaciyası tárepinen joqarı bilimlendiriw mákemelerinde oqıp atırǵan belsendi jaslarǵa stipendiya tayınlaw haqqında
Ózbekstan kásiplik awqamları Federaciyasınıń Qaraqalpaqstan Keńesi
1. Ulıwma qaǵıydalar
1. Ózbekstan kásiplik awqamları Federaciyasınıń stipendiyası (keyingi orınlarda “stipendiya” dep júritiledi) Ózbekstan Respublikasındaǵı kásiplik awqamı shólkemi bar joqarı bilimlendiriw mákemelerinde oqıp atırǵan qábiletli studentlerdi materiallıq xoshametlew maqsetinde kásiplik awqamları shólkemleri tárepinen altı (6) ay múddetke tayınlanadı.
Stipendiyaǵa – sociallıq qorǵawǵa mútáj, bilimlendiriw mákemesi hám kásiplik awqamları jumısın rawajlandırıwda belsene qatnasıp atırǵan studentler joqarı bilimlendiriw mákemesiniń kásiplik awqamı komitetiniń qararına tiykarlanıp usınıs etiliwi múmkin.
2. Stipendiya hár bir aymaqtan 1 (bir) dan, Respublika boyınsha jámi 14 (On tórt) studentke beriledi,
Ayrıqsha tárizde, Ózbekstan kásiplik awqamları Federaciyası baslıǵı tárepinen stipendiyaǵa ılayıq dep tabılǵan jaslarǵa belgilengen kvota (4 ew) nan tısqarı stipendiya tayınlanıwı múmkin.
11. Talabanlar tárepinen stipendiyaǵa hújjetlerdi usınıw hám olardı kórip shıǵıw
3. Stipendiyaǵa talabanlardı tańlap alıw ushın Ózbekstan kásiplik awqamları Federaciyasınıń Qaraqalpaqstan, wálayatlar hám Tashkent qalalıq keńeslerinde (keyingi orınlarda – aymaqlıq keńesler) stipendiya tayınlaw komissiyası dúziledi.
4. Kásiplik awqamları stipendiyası:
oqıw rejelerin jeterli dárejede ózlestirgen hám de shın jetim, jetim, mayıp; sociallıq qorǵawǵa mútáj shańaraq perzenti; bilimlendiriw mákemesi hám kásiplik jumısında belsendi; basqa qosımsha stipendiya almay atırǵan studentlerge beriledi.
Talabanlar ózleri oqıp atırǵan joqarı bilimlendiriw mákemesi kásiplik awqamı komitetine tómendegilerdi:
qosımshaǵa muwapıq toltırılǵan talaban anketası; puqaralıq pasportınıń nusqası;
3,5 x 4,5 sm kólemdegi 2 dana reńli fotosúwret; reyting dáptershesinen nusqa;
Mayıplıǵı, jetimligi yamasa sociallıq qorǵawǵa mútájligin tastıyıqlawshı hújjetlerdi usınadı.
Joqarı bilimlendiriw mákemesiniń kásiplik awqam komiteti talabanlardan kelip túsken hújjetlerdi óz aldına papkaǵa jaylastıradı, hár bir papkanıń muqabasında JOOnıń atı, talabanlardıń familiyası, atı hám ákesiniń atı, fakulteti, kursı, toparın kórsetedi.
7. Stipendiyaǵa hújjet tapsırǵan talabanlar joqarı bilimlendiriw mákemesiniń ilimiy (pedagogikalıq) Keńesi menen kásiplik awqamı komitetiniń qospa májilislerinde dodalanadı hám jıldıń 3-noyabrine shekem keńestiń stipendiya tayınlaw komissiyasına talabanlardıń hújjetleri hám de qospa májilis protokolı usınıladı.
Hár bir aymaqtan ekewden artıq joqarı bilimlendiriw mákemesi bolǵan aymaqlıq keńeslerge hár bir joqarı bilimlendiriw mákemesinen birewden kóp bolmaǵan talaban usınılıwı zárúr.
8. Usınılǵan hújjetler hám talabannıń komissiya janında bergen maǵlıwmatı aymaqlıq keńestiń stipendiya tayınlaw komissiyası tárepinen kórip shıǵıladı.
Stipendiyaǵa múnásip kórilgen (bir) talaban tańlap alınadı hám aymaqlıq keńestiń atqarıw komitetiniń qararı menen tastıyıqlanadı.
9, Stipendiya tayınlanatuǵın jaslar dizimi qaǵıyda sıpatında Ózbekstan kásiplik awqamları Federaciyası tárepinen hár jılı 30-oktyabrge shekem tastıyıqlanadı. Stipendiya hár bir studentke Respublikada belgilengen miynetke haqı tólewdiń eń az muǵdarınıń 2 (eki) esesi muǵdarında belgilenedi hám kelesi kalendar jıldıń yanvar ayınan baslap altı ay múddette ayma-ay tólenedi.
10. Stipendiyalar aymaqlıq keńeslerdiń qarjıları esabınan Ózbekstan kásiplik awqamları Federaciyası menen óz-ara esap-sanaq etiw arqalı ajıratıladı hám bunı jıllıq dáramatlar jáne qárejetler smetasında názerde tutadı.
11. Stipendiya bir studentke tek bir márte beriledi hám elektron bazaǵa kirgiziledi. Stipendiya alǵan studenttiń dizimge qayta kirgizilmewine aymaqlıq keńes basshısı jeke juwapker esaplanadı.