Magistratura haqqındaǵı rejege muwapıq magistrler tayarlawǵa qoyılatuǵın ulıwma talaplar Ózbekstan Respublikası Ministrler Kabinetiniń “Joqarı bilimlendiriwdiń mámleketlik bilimlendiriw standartların tastıyıqlaw haqqında”ǵı 2001-jıl 16-avgusttaǵı 343-sanlı qararı menen belgilenedi. Anıq qánigelik boyınsha magistrler tayarlawǵa qoyılatuǵın talaplar joqarı bilimlendiriwdi basqarıw boyınsha wákillikli mámleketlik uyım tárepinen tastıyıqlanatuǵın magistratura qánigelikleri kvalifikaciyalıq talapları menen belgilenedi.

Magistr:

• tańlanǵan qánigeligi boyınsha ilimiy-izertlew, ilimiy-pedagogikalıq hám kásiplik jumıstı erkin alıp barıwǵa;
  kásiplik jumısta zamanagóy málimleme-kommunikaciya texnologiyalarınan paydalanıwǵa;
  joqarı bilimlendiriw mákemesinen keyingi bilimlendiriwdi magistrlik tayarlıǵına muwapıq qánigelik boyınsha úlken ilimiy xızmetker-izleniwshiler institutında dawam ettiriwge;
  kadrlardı qayta tayarlaw hám olardıń qánigeligin arttırıw sistemasında qosımsha kásiplik bilim alıwǵa tayarlaydı.

Magistr óz qánigeligi, ilimiy hám ilimiy-pedagogikalıq tayarlıǵına muwapıq kásiplik jumısınıń tómendegi túrleri:

• ilimiy-pedagogikalıq;
  ilimiy-dóretiwshilik;
  ilimiy-izertlew hám tájiriybe;
  joybarlaw-konstruktorlıq;
  joybarlaw-texnologiyalıq;
  óndiriste basqarıw, sonday-aq, bakalavriat tálim baǵdarına muwapıq basqa da jumıs túrleri boyınsha da shuǵıllanıwı múmkin.

1. Kafedra baslıǵınıń qararı menen úlgili rejedegi jumıslardı kafedra ushın zárúr bolǵan hám qánigelik ózgesheliginen kelip shıǵıp, rejede keltirilmegen jumıslar menen almastırıw múmkin. Bul álbette, anıqlastırılǵan kalendar jumıs rejesinde óz kórinisin tabıwı kerek.
   Magistrant hár ayda kafedra májilisinde reje boyınsha orınlangan jumıslardıń esabatın beredi. Esabat boyinsha kafedra jiynalısı magistrant tárepinen reje orınlangan yaki orınlanbagan mazmunında qarar qabil etedi.
2. Semestr aqırında magistrant aylıq esabatlar tiykarında semestr boyınsha juwmaqlawshı ilimiy-pedagogikalıq jumısı boyınsha esabattı (úlgisi qosımsha etilgen) tayarlaydı hám magistratura bólimine tapsıradı. Magistratura bólimi baslıǵı, magistratura bólimi metodisti, kafedra baslıǵı, ilimiy basshı hám ilimiy másláháchilerden ibarat isshi topar magistranttıń esabatı boyınsha kafedra qararı hám ilimiy basshınıń usınısın itibarǵa alǵan halda ilimiy-pedagogikalıq jumıs dápterine magistranttıń bahasın rásmiylestiredi. Magistrant tárepinen kafedrada alıp barılatuǵın ilimiy-izertlew jumısları, magistrlik dissertaciyasın tayarlaw tártibi kafedra baslıǵı, ilimiy basshı, ilimiy másláháchiler qatnasıwındaǵı jumısshı topar tárepinen anıqlanadı hám kafedra qararı menen tastıyıqlanadı.

Kafedra baslıǵı hám ilimiy basshınıń qararı menen ilimiy-izertlew jumısı temasınıń ózgesheliklerinen kelip shıǵıp úlgili rejedegi jumıslardı dissertaciya jumısın tayarlaw ushın zárúr bolǵan hám rejede keltirilmegen jumıslar menen almastırıw múmkin. Bul álbette, anıqlastırılǵan kalendar jumıs rejesinde óz kórinisin tabıwı kerek.

Magistrant hár ayda kafedra májilisinde ilimiy-izertlewler rejesi boyınsha orınlanǵan jumıslardıń esabatın beredi. Esabat boyinsha kafedra jiynalısı magistrant tárepinen reje orınlangan yaki orınlanbagan mazmunında qarar qabil etedi.

1. Semestr aqırında magistrant aylıq esabatlar tiykarında semestr boyınsha juwmaqlawshı ilimiy-izertlew jumısı hám magistrlik dissertaciyasın tayarlaw boyınsha esabattı (úlgisi qosımsha etilgen) tayarlaydı hám magistratura bólimine tapsıradı. Magistratura bólimi baslıǵı, magistratura bólimi metodisti, kafedra baslıǵı, ilimiy basshı hám ilimiy másláháchilerden ibarat jumısshı topar magistranttıń esabatı boyınsha kafedra qararı hám ilimiy basshınıń usınısın itibarǵa alǵan halda ilimiy-izertlew jumısı protokolına hám dissertaciyanı tayarlaw protokolına magistranttıń bahasın rásmiylestiredi.