Qaraqalpaqstan awıl xojalıǵı hám agrotexnologiyalar institutında náshebentlik hám narkotikalıq zatlardıń tarqalıwına qarsı gúresiw máselelerine baǵıshlanǵan ilaj bolıp ótti.

Ushırasıwǵa Ózbekstan Respublikası Ministrler Kabineti janındaǵı náshebentlik zatlardı qadaǵalaw orayı bólim baslıǵı M. Óteniyazov, Ózbekstan Respublikası IIM Jinoyat qıdırıw bas basqarması bólim baslıǵı A. Matlyubov, Ózbekstan Respublikası IIM Jinoyat qıdırıw bas basqarması qánigesi F.Azgarov, Sh. Jwraev, Qaraqalpaqstan Respublikası IIM Jinoyat qıdırıw basqarması baslıǵı orınbasarı N.Adilbekov, Qaraqalpaqstan Respublikası IIM Jinoyat qıdırıw basqarması qánigeleri A. Tanirbergenov hám H. Ywldashev Respublika qánigelestirilgen narkologiya ilimiy orayı Qaraqalpaqstan Respublikası filialı inspektorı Dawletmuratova Nargiza, Qaraqalpaqstan Respublikası musılmanlar Qaziyatı wákili A. Jalawshaevlar qatnastı.

Ushırasıwda sózge shıqqan miymanlar jaslarımızdıń házirgi waqqıtta hár qıylı náshebentlikke  bilip- bilmey kirip atırǵanlıǵın, jáne de átirapındaǵı doslarında ertip sol jolǵa salıp atırǵanlıǵın aytıp, jaslardı awlaq bolıwǵa shaqırdı. Jıynalıs dawamında ekstremistlik hám náshebentlik toparlardıń jınayatların ashıp beriwshi, jaslardıń jámiyette óz ornın tawıp alǵa qoyǵan maqsetler jolında jaman illetlerge qarsı gúresti sáwlelendiriwshi videofilm studentlerge qoyıp berildi, student jaslar tárepinen  usı mashqalalarǵa baylanıslı ózlerin qızıqtırǵan sorawlarǵa juwaplar alındı.

Baspa sóz xızmeti