Búgin Qaraqalpaqstan awıl xojalıǵı hám agrotexnologiya institutında Zooinjeneriya fakultetinde Ata-analar KONGRESSI ótkerildi.
Májilisti institutımız rektorı ashıp berdi hám jaslarımızǵa jaratılǵan shárayatlardı aytıp ótti. Óz perzentleriniń ertengi kúninde, keleshektegi kámil insan bolıp baǵdarlanıwda joqarı oqıw ornınıń tutqan ornı ayrıqsha.
Jaslarımızǵa prezidentimiz tárepinen oqıw sistemasında bir qansha múmkinshilikler, imkániyatlar berilgenligi ras. Bul imkániyatlardan perzentlerimiz tuwrı jolda paydalansa sonıń ózi jetkilikli dedi rektorımız óz sóziniń barısında.

????Biz quwanısh penen sonı ayta alamız búgin tálim alıp atırǵan balalar bizge qaraǵanda baxıtlıraq. Olar jáhán standartlarına juwap beretuĝın dúnıyanıń qálegen joqarı oqıw ornı menen teńlese alatuǵın dárgayda bilim almaqta. Hár bir bala ushın úsh adam juwapkermiz. Ata-ana hám Ustaz. Usı baǵdarda biz olardı jaqsı bilim alıwǵa, tuwrı jolda júriwge baǵdarlay alsaq keleshektegi mámleketimizge óz úlesin qosatuǵın shaxs sıpatında kóremiz.

???? Onnan soń Zooinjeneriya fakulteti dekanı  docent T.Nawrızov Ata-analarǵa HEMIS programması haqqında túsinik berdi. Rawajlanǵan zamanda, rawajlanǵan oqıtıw metodikalarında bul sistemanıń iske túsiwi jáhán universitetleri quramınan kelip shıǵıp ornatılǵan. Balalarıńızdıñ jaqsı bilimge iye bolıwı, jetik qánige bolıp jetilisiwi ushın bizde ámeliyat processi kóbirek ótiledi. Ámeliyattı jaqsı ótew maqsetinde institutımızǵa zaman standartlarına say 7 laboratoriya úskeneleri keltirilgen. Student jaslarımızdan talap etiletuǵın birden-bir maqset tek ǵana jaqsı bilim alıw hám óz ústinde tınbay izleniw.