Jańa turmıs ushın, jańa Ózbekstan ushın.

Jańa turmıs ushın, jańa Ózbekstan ushın súreni astında “Máhállede duw-duw gáp” atamasındaǵı ruwxiy-aǵartıwshılıq, mádeniy-muzikalıq ilaj Qaraqalpaqstan awıl xojalıǵı hám agrotexnologiyalar institutında bolıp ótti. Ilajdı institut prorektorı R.Ibragimova ashıp berdi.

Jańa Ózbekstandı rawajlandırıw búgingi kúnniń baslı wazıypalarınıń birine aylanbaqta. Biz tınısh hám abat elde jasap atırmız. Bárshemiz bunıń qádirine jetiwimiz kerek. Respublikamız boylap keń túrde ótkerilip atırǵan ilajlardıń baslı maqseti de, jaslarǵa Jańa Ózbekstanımızdı tanıtıw hám rawajlanǵan mámleketler qatarında ekenligin bildiriw bolıp esaplanadı.

Ótkerilgen ilajda qatnasqan Nókis qalası mádeniyat bólimi qánigeleri, Q.Yusupov, A.Ótepbergenov, B.Bekimbetov, Z.Qallibekovlar sózge shıǵıp student jaslarımızǵa Jańa Ózbekstandı rawajlandırıw  temasında mámleketimizde bolıp atırǵan jańalanıwlar haqqında kòplegen jaqsı túsinikler berip òtti. Ilaj juwmaǵında muzikalıq tánepiske júzlenip, studentlerdiń keypiyatın kóteriw maqsetinde konsert baǵdarlaması shólkemlestirildi.