Qaraqalpaqstan awıl xojalıǵı hám agrotexnologiya institutı ilimiy isler hám innovaciyalar boyınsha prorektorı A.Alımov Agrobiologiya hám ósimliklerdi qorǵaw fakulteti hám kafedralarınıń 2023-jılda ámelge asırılǵan ilimiy iskerligi hám 2024-jılǵa dúzilgen jol kartası menen tanıstı.

  Ushırasıwda kafedra baslıqları tárepinen islengen prezentaciyalar dodalandı. Bunda kafedralardaǵı kórsetkishlerden ilimiy dárejelilik joqarı ekenligi, buǵan sáykes hár bir professor-oqıtıwshıǵa tuwrı keletuǵın maqala sanı boyınsha kórsetkish qanaatlandırarlı dárejede emes ekenligi sınǵa alındı. Sonday-aq, fakultet hám kafedralarda ámelge asırılıp atırılǵan joqarı kórsetkishlerdiń prezentabelligi joqarı emes ekenligi ayrıqsha atap ótildi.

  Sonday-aq, Kafedra baslıqları tárepinen professor-oqıtıwshıları tárepinen jeke Youtube kanalları shólkemlestiriliwi, videosabaqların júklewi, sabaqlardı kreativ formatta alıp barıw, ilim-izertlew baǵdarları menen integraciya qılıw boyınsha pikirlerin bildirdi. Jańa inovatciyalardı jaratıwda ǵalaba xabar qurallarınan paydalanıw, tarawdaǵı jumńslardı keń jámiyetshilikke ashkaralawda, institutımızdıń málimleme xizmeti qánigesi L.Kulmuratovaǵa da bir qatar tapsırmalar júkletildi.