Ilim-izertlew jumısların alıp barıp atırǵan dissertantlarımızdıń kópshiligi dissertaciyaların qorǵaw ushın Tashkent, Samarqand yamasa basqa qalalardaǵı ilimiy oraylardaǵı ilimiy keńeslerge baratuǵınlıǵı hámmemizge málim. Bunday ilimiy keńesler Qaraqalpaqstandaǵı joqarı oqıw orınlarında da shólkemlestirilmekte.

Qaraqalpaqstan awıl xojalıǵı hám agrotexnologiyalar institutı awıl xojalıǵı boyınsha regionda jetekshi joqarı oqıw orınlarınıń biri esaplanadı. Qaraqalpaqstan awıl xojalıǵı hám agrotexnologiyalar institutında ashılǵan PhD.05/29.08.2023.Qx.172.01 sanlı ilimiy dárejeler beriwshi ilimiy keńeste birinshi dissertaciya qorǵawı bolıp ótti. Onda 06.01.01-“Ulıwma diyqanshılıq. Paxtashılıq” qánigeligi boyınsha awıl xojalıǵı ilimleri boyınsha filosofiya doktori (PhD) ilimiy dárejesin alıw ushın D.Qutlımuratova hám M.Ajiniyazovalardıń dissertaciya jumısları qorǵawı ótkerildi.

D.Qutlımuratova hám M.Ajiniyazovalardı ilimiy keńeste dissertaciya jumısların tabıslı qorǵap shıqqanlıǵı menen shın júrekten qutlıqlaymız.

Sonıń menen birge, institutımızda jańadan jumıs baslap atırǵan ilimiy dárejeler beriwshi ilimiy keńestiń aldaǵı jumıslarında tabıslar tileymiz hám mámleketimizde awıl xojalıǵı boyınsha ilimiy dárejeli jetik kadrlardı shıǵarıwda tilekleslik bildiremiz!