Qaraqalpaqstan awıl xojalıǵı hám agrotexnologiyalar institutında usı jıldıń 5-aprel kúni, órt qáwipsizliginiń aldın alıw boyında oqıw seminarı bolıp ótti. Ótkerilgen oqıw seminarın Nókis qalalıq Ayrıqsha jaǵdaylar bólimi baslıǵı orınbasarı mayor S.Berekiev hám inspektor kishi serjant D.Sultanovlar student jaslarımızǵa túsinik jumısları barısında, Ayrıqsha jaǵdaylarda jumıs islewshi xizmetkerlerdiń wazıypaları menen tanıstırdı. Onnan soń student jaslar menen birgelikte dala ámeliy shınıǵıwlar barısı, órt kelip shıqqan jaǵdayda qanday birinshi tez járdem kórsetiw usılları hám órtti óshiriw waqtında paydalanatuǵın úskeneler menen tanıstırdı.

  Onnan soń student jaslarımızǵa órt kelip shıqqan jaǵdayda, tezlik penen olardıń islew kerek bolǵan ilajların ámeliyat sıpatında kórsetip ótti. Bunday ilajlardıń jaslarımız arasında ótkeriliwi, usınday unamsız jaǵdaylar waqtında kerekli qaǵıydalarǵa ámel qılǵan jaǵdayda ózlerin hám átiraptaǵılardı qutqarıw bolıp esaplanadı.