Qaraqalpaqstan awıl xojalıǵı hám agrotexnologiyalar institutında BMShnıń rawjlanıw baǵdarlaması “Awıllıq jerlerdi turaqlı rawajlandırıw” joybarı bólim baslıǵı Aybek Kudaybergenov studentlerge seminar ótkerdi. Seminarda Instituttıń ilimiy isler hám innovaciyalar boyınsha prorektorı A.Alımov shıǵıp sóylep, xalıq aralıq tańlawlardıń, proektlerde qatnasıwdıń áhmiyeti haqqında studentlerge túsinik berdi.
  Seminar dawamında Aybek Kudaybergenov BMShnıń rawajlandırıw baǵdarlaması “Awıllıq jerlerdi turaqlı rawajlandırıw” joybarı sheńberinde PROON Ózbekstan basqarması, Islam rawajlanıw, Banki, OPEC Fund, Ózbekstan Respublikası ekonomika hám finans ministrligi qollap quwatlawı menen awıl hám suw xojalıqları tarawlarında bilim alıp atırǵan studentler, 2018-jıl 1-yanvardan keyin pitkergenler, 30 jasqa shekemgi jaslardıń Smart Agriculture hám Smart Irrigation tańlawında qatnasıw imkaniyatları bar ekenligin atap ótti.
  Sonday-aq, bul tańlawǵa óz joybarları menen topar dúziw arqalı da qatnasıw imkaniyatları haqqında maǵlıwmat berdi.
Eger Siz Qaraqalpaqstan awıl xojalıǵı hám agrotexnologiyalar institutı studenti bolsańız yamasa 2018-jıldan keyin ppitkergen bolsańız bul tańlawda qatnasıwıńız múmkin.