Ózbekstan Respublikası Prezidentiniń 2023-jıl 4-iyundaǵı PQ-200 qararınıń orınlanıwın támiyinlew haqqındaǵı Ózbekstan Respublikası joqarı bilimlendiriw, ilim hám innovaciyalar ministrliginiń 2024-jıl 18-yanvardaǵı 16-sanlı buyrıǵına tiykarlanıp, Qaraqalpaqstan awıl xojalıǵı hám agrotexnologiyalar institutında 2024-jıldıń 31–may kúni «Aral boyı sharayatı ushın eksportbap suw tanqisliǵi hám topıraq shorlanıwına shıdamlı intensiv sortlar, texnologiyalar hám jańa resurs únemlewshi ideyalar eńgiziw» atamasında xalıqaralıq ilimiy-ámeliy konferenciya ótkeriledi.

Konferenciyada tómendegi baǵdarlar boyınsha sekciyalardıń jumıs alıp barılıwı rejelestirilgen:

1-sekciya Aqıllı awıl xojalıǵın qáliplestiriwde diyxanshılıq, selekciya, tuxımgershilikti rawajlandırıw máseleleri.
2-sekciya Ósimlikshilik, miywe hám palız eginlerin jetistiriw, agroximiya, ósimliklerdi qorǵaw mashqalalardı sheshiwde ilimiy kóz-qaraslar.
3-sekciya Landshaft zonalardan toǵayshılıq, dárilik ósimliklerin jetistiriw maqsetlerinde paydalanıw.
4-sekciya Awıl xojalıǵın mexanizaciyalastırıw, suw xojalıǵı, melioraciya hám jer kadastrı boyınsha alınǵan nátiyjeler.
5-sekciya Zootexniya, veterinariya, balıqshılıq hám jipekshilik tarawın rawajlandırıw.
6-sekciya Awıl xojalıǵında sanlı ekonomikanıń ornı, agrobiznesti rawajlandırıwdıń huqıqıy tiykarları.
7-sekciya Awıl xojalıǵı iliminde gumanitar hám anıq pánlerdiń roli, tiller, sonıń ishinde shet tilleri hám ITdiń áhmiyeti.
8-sekciya Awıl xojalıǵı ónimlerin saqlaw hám qayta islew texnologiyasın óndiris sektorı menen integraciyanı jolǵa qoyıwdıń áhmiyeti.

Konferenciyaǵa jiberilgen ilimiy materiallar respublikamızda hám xalıq aralıq zamanagóy aktual máseleleri, mashqalalardıń sheshimine qaratılǵan yamasa ayrıqsha  ámeliy áhmiyetge iye bolǵan wazıypalardı óz ishine alǵan bolıwı kerek.

Konferenciyanıń shólkemletiriw komiteti tárepinen konferenciyaǵa jiberilgen materiallardı baspadan shıǵarıw názerde tutılǵan. Konferenciyaǵa sırttan yamasa stendli doklad penen qatnasqan qatnasıwshılarǵa materiallar toplamı hám xoshametlewler jetkerip beriledi.

Konferenciyaǵa jiberiletuǵın materiallardı rásmiylestiriw talapları:

Materiallar kólemi 4-5 betten kem bolmaǵan hám 6 betten aspaǵan bolıwı kerek.

Tekst A4 formatdaǵı aq qaǵazǵa hám elektron formada tapsırıladı. Doklad materialları nomerlenbeydi hám Maykrosoft redaktorında Tayms N`yu Roman 14 ólsheminde (interval 1,5) *.rtf,* *.doc* formatta. Konferenciya materialları anıq sekciyalar boyınsha qabıl etiledi. Sol sebepli fayllar anıq sekciya boyınsha juwapkerlerge jetkerip beriliwi talap etiledi (sekciyalarǵa juwapkerler tómende kórsetilgen).

Tekstte ádebiyatlarǵa siltemeler tik qawısta avtordıń familiyası hám silteme islengen ilimiy miynetin beti beriledi. Material sońında paydalanılǵan ádebiyatlar dizimi beriledi. Bayan etilgen maǵlıwmatlardıń ilimiy-teoriyalıq tiykarlanǵanlıǵı hám metodologiyalıq tárepleri boyınsha avtor(lar) juwapker esaplanadı. Material atı bas háripler menen, keyingi qatarǵa ótkerilmesten ortaǵa jazıladı. Keyin kishi háripler menen avtor(lar) dıń familiyası, atı, ákesiniń atı kórsetiledi. Tezis avtorınıń atı, ákesiniń atı famiyasınıń astına jazıladı. Familiyalar astında qala, mámleket, jumıs ornı hám elektron pochta mánzili keltiriledi. Onnan keyin 1,25 abzacǵa itibar berip tekst jaylastırıladı. Tekstte diagramma, gistogramma, foto súwretler, kesteler beriliwi múmkin.

Konferenciyanıń isshi tilleri: qaraqalpaq, ózbek, rus hám inglis.

Toplamǵa kiritiletuǵın materiallardıń bir beti ushın tólem 25 000 (jigirma bes mıń) sum. Konferenciya materiallarınıń óz waqtında baspadan shǵarılıwın támiyinlew maqsetinde Sizden materiallardı 2024-jıldıń 15-may kúninen keshiktirmesten jiberiwińizdi soraymız. Talaplarǵa juwap bermeytuǵın hám belgilengen múddetten keshigip kelip túsken materiallar toplamǵa kiritilmeydi.

Mánzil: 230101 Qaraqalpaqstan Respublikası.Nókis qalası, Qaraqalpaqstan awıl xojalıǵı hám agrotexnologiyalar institutı, B.Abdambetov kóshesi nomersiz jay, Ilimiy izertlewler, innovaciyalar hám ilimiy pedagog kadrlardı tayarlaw bólimi.

Konferenciya materialların qabıllawǵa juwapkerler:

Aytjanov Baxıtjan Uzaqbaevich, telegram (+99891) 303-27-89 elektron pochta aytjanov1974@mail.ru, Panaeva B. +(99897) 788-08-90

MAQALANÍ JAZÍW ÚLGISI

QARAQALPAQSTAN SHARAYATÍNDA SALÍNÍŃ NÓKIS-70 SORTÍNÍŃ BIRLEMShI TUQÍMGERShILIGIN ALÍP BARÍW NÁTIYJELERI

B.Axmedov, O.Abıllaev (b_ahmedov@tdaunukus.uz)

Qaraqalpaqstan awıl xojalıǵı hám agrotexnologiyalar institutı

Tekst jazılǵanda kirisiwdi, tájiriybeniń aktuallıǵı hám óndiristegi áhmiyetin, izertlew ob`ekti hám metodikasın, ilimiy izertlew nátiyjelerin hám juwmaqlawlardı óz ishine qısqasha qamtıǵan halda jazılıw kerek.

Paydalanılǵan ádebiyatlar dizimi.

  1. Dospexov B.D. Metodika polevıx opıta (4-oe izd.). – M.: Kolos, 1986. – 415 s.
  2. Genkel` P.A. Osnovnıe puti izucheniya fiziologii
    zasuxoustoychivosti rasteniy. // V kn. «Fiziologiya zasuxoustoychivosti rasteniy». -Moskva, 1971. -S. 5-27.