2024-2025-oqıw jılına tayarlıq jaǵdayların anıqlaw maqsetinde, Qaraqalpaqstan awıl xojalıǵı hám agrotexnologiyalar institutına, Ózbekstan Respublikası Joqarı bilimlendiriw ilim hám innovaciyalar ministrligi, joqari bilimlendiriwdi rawajlandırıw orayı baslıģı isshi topar aģzası Xolmirov Begali Abduxamidovich keldi.

  Joqarı oqıw orınlarına 2024-2025-jıldıń 9-sentyabr sànesinen baslanıwı bárshemizge málim. Usı qatarda Qaraqalpaqstan awıl xojalıǵı hám agrotexnologiyalar institutında da jańa oqıw jılına tayarlıq basqıshları óz juwmaǵına jetti. Student jaslarımız ushın jańalanǵan taza oqıw xanaları,zamanagóy laboratoriya úskeneleri jańadan tolıqtırılǵan sońǵı sabaqlıq kitapları menen bayıtılǵan kitapxana zamanagóy túrde remonttan shıqqan  studentler turar jayı bárshesi jańa oqıw jılına tayar jaǵdayda. Bunnan tısqarı studentlikke qabıllanǵan talabalardıñ shártnamada belgilengen muǵdarda hám múddetlerde tólem kontraktı tólengenge shekem tiykarǵı oqıw sabaqlarına qatnasıwĝa ruxsat berildi. Áskeriy xizmetti ótew, salamatlıǵın tiklew, hámiledarlıq hám balaǵa kútim jasaw, shańaraǵındaǵı biytap aǵzalarına (ákesi, anası yáki olardıń ornın basıwshı shaxslar ,ómirlik joldası,perzenti) kútim qılıwǵa zárúrligi bar studentlerdi Ministrler Keńesiniń 2021-jıl 3-iyundaǵı 344-san qararı menen tastıyıqlanǵan Ózbekstan Respublikası Joqarı oqıw orınlarınıń studentlerıne   akademik dem alıs beriw nızamına muwapıq akademik dem alısqa jiberiw yáki òz qálewine qaray oqıwın sırtqı (onlayn ) tárizde ótkeriw ılajları kòrip shıĝıldı. Jańa oqıw jılında birinshi basqıshqa qabıl etilgen studentlerdi kútip alıw ılajlarına institutımızda qızǵın tayarlıq kórilmekte hám “Birinshi basqısh mektebi ” atamasındaǵı oqıw seminarları shólkemlestirilgen. Bárshe student jaslarımızdı Qaraqalpaqstan awıl xojalıǵı institutında bolıp òtetuĝın bayram keshesine hàm oqıwĝa kútip qalamız.