Turkiya professorı Jeyhun Vedat Uygur menen ushırasıw

  Búgin Qaraqalpaqstan awıl xojalıǵı hám agrotexnologiyalar institutında Turkiya Respublikası  Pamukkala universiteti  professorı. Dr. Jeyhun Vedat penen ushırasıw ótkerildi.

  Miymandı instituttıń Ilimiy isler hám innovaciyalar  boyınsha prorektori A.Alimov kútip aldı hám sáwbet ótkerdi. Ushırasıwda institut Xalıqaralıq bólimi baslıǵı E.Abdullaev, Tiller kafedrası docentleri Sh.Kunnazarova, F.Sherjanovalar qatnasıp professor Jeyhun Vedat penen birgelikte keleshekte ilimiy izertlew jumısları, óz-ara tájiriybe almasıw máseleleri ushın shártnama dúziwge kelisip alındı.
Atap ótiw kerek, professor Jeyhun Vedat búgingi kúnge shekem qaraqalpaq, ózbek, qazaq, qırǵız, túrkmen xalıqlarınıń tilin, grammatikasın úyrenip, tereńnen izertlegen ilimpaz.
     Professor Jeyhun Vedat Tiller kafedrası docenti Sh.Kunnazarova menen birgelikte «Qaraqalpaq hám túrk tilindegi sózlikler» atamasinda ilimiy-izertlew jumısların  alıp barıw haqqında pikirler almastı.