Bugın Qaraqalpaqstan awıl xojalıǵı hám agrotexnologiyalar institutında “Tashkent irrigaciya hám awıl xojalıǵın mexanizaciyalastırıw injenerler  institutı» Milliy izertlew universiteti menen dúzilgen birge islesiw memorandumında kórsetilgen tapsırmalardıń orınlanıwın támiyinlew maqsetinde universitet Málimleme resurs orayı direktorı M.Yaxyoev hám universitet professorı M.Mirsaidovlar miymanda boldı. Bul ushırasıw keshesin institutımız rektorı  B.B.Jollıbekov ashıp berdi hám basqarıp bardı. Ushırasıwdan tiykarǵı gózlengen maqset institut kitapxanasına sabaqlıqlar sawǵa etiwi hám professor-oqıtıwshılar, student jaslarǵa óz qánigeliklerinen kelip shıǵıp master klasslar ótiwi bolıp tabıladı. Ushırasıw keshesi jiynalǵanlarda ózgeshe kóterıńkı keypiyatta hám ózgeshe pikirler almasıwı menen dawam etti. Ásirese  institut kitapxanasına sawǵa etilgen kitaplardıń qaraqalpaq tiline awdarma etilgen ekenligin atap ótiw tiyis. Bunan keyin biziń institutımız professor-oqıtıwshıları menen oqıw sabaqlıqlardı birgelikte qaraqalpaq tiline awdarma islew hám óz-ara jaqın baylanıslardı jolǵa qoyıwǵa kelisip alındı.Ushırasıw sońında  institutımız professor-oqıtıwshıları,  prorektorlar ózlerinıń unamlı pikirlerin bildirdi. Bunday ushırasıwlar tek ǵana student jaslarǵa ǵana emes bálkim pútkil  institutımız jámáátı ushın jumıslarda alǵa ilgerlewge túrtki bolıwı anıq dedi institutımız rektorı  B.B.Jollıbekov óz sózinde.