Qazaqstan Respublikası Shımkent qalasında jaylasqan M.Áwezov atındaǵı Qubla-Qazaqstan izertilew universitetinde institutımızdıń bir qatar professor-oqıtıwshıları óz qániygelikleri boyınsha tájiriybelerin arttırmaqta.

Professor-oqıtıwshılarımız óz qániygeliklerine tiyisli tómendegi baǵdarlar yaǵnıy:

✅ ECTЅ – bilimlendiriw baǵdarlamaların tayarlaw, ámelge asırıw, monitoring etiw hám sapasın támiyinlew;
✅Studentke baǵdarlangan bilim beriw (студент-центрированное обучение), oqıtıw hám bahalaw, tiykargı principleri;
✅Joqarı oqıw orınlarında oqıtıwdıń kredit texnologiyası;
✅Content-language integrated learning (CLIL). Pán-til integraciyalıq oqıtılıwı;
✅ilimiy-izertlew jumısları olardıń nátiyjeleri hám pánlerdiń mazmunı boyınsha oqıw baǵdarlamaların innovaciyalıq jańalaw (modernizaciyalaw) tiykarları;
✅universitettiń materiallıq-texnikalıq bazaları menen tanısıw sıyaqlı zamanagóy oqıtıw texnologiyaları boyınsha tájiriybelerin arttırmaqta.

Sonday-aq, professor-oqıtıwshılarımız hám universitettiń “Agrar fakulteti” dekanı a.x.i.k., Gulnara Raximberdievna Tastanbekova ortasında, JOO arasında óz-ara birge islesiwdi jolǵa qoyıw yaǵnıy, studentlerge bilim beriw barısında, alımlardıń ilimiy-izertlew jumısları hám ilimiy joybarların tayarlawdaǵı sheriklik máseleleri ústinde pikirler almasılınbaqta.

Maǵlıwmat sıpatında: M.Áwezov atındaǵı Qubla Qazaqstan universiteti Dunyanıń jetekshi JOO (QS World University Rankings) TOP-700 liginen orın alǵan bolıp 611-orındı iyeleydi.