Qaraqalpaqstan awıl xojalıǵı hám agrotexnologiyalar institutı Ilimiy keńesiniń keńeytirilgen májilisi bolıp otti

 2025-jıl 7-yanvar` kúni Qaraqalpaqstan awıl xojalıǵı hám agrotexnologiyalar institutı Ilimiy keńesiniń keńeytirilgen májilisi bolıp ótti.

 Májilisge Qaraqalpaqstan awıl xojalıǵı hám agrotexnologiyalar ınstitutı rektorı B.B Jollibekov, oqıw isleri boyınsha prorektor N.Absattarov, jaslar máseleleri hám ruwxıy-aǵartıwshılıq isler boyınsha birinshi prorektor R.Ibragimova hám institutımız jámááti qatnastı.

Májilis dawamında: Institutda alıp barılıp atırǵan ruwxıylıq-aǵartıwshılıq jumıslarınıń nátiyjeleri haqqında

 Institutda 2023/2024-oqıw jılınıń juwmaqları hám 2024/2025-oqıw jılındaǵı oqıw processiniń barısı boyınsha bayanatı.

 Institutda 2024-jılı orınlanǵan ilimiy-izertlew jumıslarınıń nátiyjeleri haqqında Ilimiy isler hám innovaciyalar boyınsha bayanatı.

 Qaraqalpaqstan awıl xojalıǵı hám agrotexnologiyalar institutında HEMIS sisteması boyınsha alıp barılıp atırǵan jumıslar, kemshilikler hám isleniui lazım bolǵan wazıypalar.

 Institut rektorı hám instituttıń kásiplik awqamı komiteti arasında 2024-jılǵa dúzilgen jámáátlik shártnamasınıń orınlanıwı haqqında Kásiplik awqamı komiteti baslıǵınıń málimlemesi.

  Institutda professor-oqıtıwshılardıń qánigeligin jetilistiriw boyınsha rejeniń 2023/2024-oqıw jılında orınlanıw halatı hám 2024/2025-oqıw jılı ushın jobanıń orınlanıw barısı haqqında. Qaraqalpaqstan awıl xojalıǵı hám agrotexnologiyalar institutı qasındaǵı PhD.05/29.08.2023.Qx.172.01 sanlı ilimiy keńestiń 2024-jıldaǵı iskerligi haqqında keńesi baslıǵının esabatları tıńlandı.

 Májilis dawamında bar mashqalalardı saplastırıw boyınsha tiyisli ilajlar rejesin islep shıǵıw zárúrligin, sonday-aq, keleshekte bilimlendiriwdiń sapasın arttırıw, ilimiy joybarlar sanın kóbeytiw hám studentlerdiń bilimin bunnan bılay da bekkemlew boyınsha anıq wazıypalar belgilep berildi.

 Májilis juwmaǵında rejelestirilgen maqsetlerdi óz waqtında hám sapalı ámelge asırıw, bar kemshiliklerdi saplastırıw ushın professor-oqıtıwshılar hám institutımız jámáátiniń juwapkershiligin arttırıw áhmiyetli ekenligi ayrıqsha atap ótildi.