14-fevral kúni T.Oserbaevanıń 70 jıllıǵına baǵıshlanıp “Jaslar tárbiyasında ilimpaz hayal – qızlardıń ornı” temasında ilimiy-ámeliy konferenciya bolıp ótti.

 Hár bir jámiyettiń rawajlanıwı hám gúllep-jasnawı tikkeley onıń aǵzalarınıń ilimi, bilimi hám mánawiyatı menen baylanıslı. Ásirese, hayal-qızlardıń bilimli bolıwı- pútkil jámiettiń rawajlanıwı hám keleshek áwladtıń jetik insan bolıp qáliplesiwinde áhmiyetli faktor. Ilimli hayal- bul tek ǵana óziniń ómirin emes, al pútkil jámiyettiń keleshegin sáwlelendiretuǵın nur esaplanadı.
 Óserbaeva Tamaraxan Qaraqalpaqstan awıl xojalıǵı hám agrotexnologiyalar institutı “Ósimliktanıw, toǵayshılıq hám landshaft dizaynı” kafedrası professorı wazıypasın atqarıwshı, awıl xojalıǵı ilimleriniń kandidatı. Xalıqaralıq “Antique world” (Antikue world) ilimler akademiyasınıń doktorı. 2009-jıldan Ózbekstan Respublikası Hayal-qızlar komiteti “Olima” associaciyası Qaraqalpaqstan bólimi baslıǵı.
 “Qaraqalpaqstan Respublikasına xızmet kórsetken awıl xojalıǵı xızmetkeri”, “Qaraqalpaqstan Respublikası bilimlendiriw aǵlası”, “Ózbekstan Respublikası xalıq awıl xojalıǵı pidayısı” hám “Mytabar hayal” kókirek belgisiniń iyesi.
 Konferenciyada Qaraqalpaqstan Respublikası “Shańaraq hám hayal-qızlar komiteti bas qánigesi B.Jaqsımuratova, Ajiniyaz atındaǵı NMPIdıń “Olima” shólkemi baslıǵı A.Pirniyazova, Muxammed Al Xorezmiy atındaǵı TATU Nókis filialınıń hayal-qızlar máseleleri boyınsha director masláhátshısı X.Omarova, QMUdıń hayal-qızlar máseleleri boyınsha rector masláhátshısı I.Seytnazarova hám professor-oqıtıwshılar óz bayanatları menen qatnastı.