Qaraqalpaqstan awıl xojalıǵı hám agrotexnologiyalar institutı “Awıl xojalıǵın mexanizaciyalastırıw” kafedrası professor-oqıtıwshıları B.N.Ramazanov hám de R.B.Kengesbaevlar 60810100-Awıl xojalıǵın mexanizaciyalastırıw bakalavr tálim baǵdarı 2-kurs toparı studentlerine oqıw rejesinde kórsetilgen “Agroinjenerlik” oqıw-tanısıw ámeliyatın kadrlar tayarlawda birge islesiw boyınsha dúzilgen shártnama tiykarında “Ózagrolizing” AJ Qaraqalpaqstan filialına jiberilgen edi.

 Ámeliyat ótiw dáwirinde házirgi kúnde mámleketimiz awıl xojalıǵın mexanizaciyalastırıwdı jáhán talaplarına sáykes zamanagóy texnika hám mashinalar menen támiyinlew boyınsha alıp barılıp atırǵan ilajlar, alıp kelingen zamanagóy texnikalar menen jaqınnan tanısıw, olardıń dúzilisi, islew tártibi, olardı basqarıw, texnologiyalıq operaciyalardı orınlawǵa tayarlaw hám sazlaw boyınsha alǵan teoriyalıq bilimlerin ámeliyatı nátiyjeli paydalagnıw boyınsha kónlikpelerge iye bolmaqta.