Qaraqalpaqstan awıl xojalıǵı hám agrotexnologiyalar institutı «Gumanitar pánler hám tiller» kafedrası assistent oqıtıwshısı Mambetniyazova Zamira institutqa biriktirilgen Kegeyli rayonı 2-sanlı politexnikumına barıp «Ózbekstannıń eń jańa tariyxı» páni boyınsha master klass sabaǵın ótti.

 Master klass sabaǵı «Jadid aǵartıwshıları» dep atalıp, onda oqıtıwshı tárepinen tálim sóziniń mánisi, jadidler tárepinen islengen jańa usıldaǵı mektepler, teatr, kitapxana hám muzeyler, olar tárepinen shıǵarılgan gazeta hám jurnallar, sonday-aq Ózbek jadidshiliginiń 8 iri wákilleri haqqında keńnen túsinikler berildi.

 Soń sabaq 1- kurs «Avtomobillerdi ońlaw hám olarǵa servis xızmet kórsetiw» hám «Tigiw trikatajı» toparları oqıwshılarına islam dini teması boyınsha názeriy bilimlerdi aytıp túsinikleri haqqında toqtaldı. Toparlardan jámi 46 oqıwshı belsene qatnastı. «Avtomobillerdi ońlaw hám olarǵa servis xızmet kórsetiw» toparı basshısı Xojanazarov Atabek hám «Tigiw trikatajı» toparı basshısı Kósherbaeva Dinalar master klass sabaǵı mazmunlı ótkenligin, topar oqıwshıları bolsa qımbatlı hám zárúrli bilimlerdi alǵanlıǵın óz sózlerinde aytıp ótti.

 Sabaq sońında oqıwshılar ózleriniń qızıqtırǵan sorawlarına juwap aldı hám tereń túsinikke iye bolǵanlıǵın ayttı.