Qaraqalpaqstan Respublikasındaǵı professional hám orta arnawlı bilimlendiriw orınların metodikalıq hám ilimiy tárepten qollap quwatlaw, jaslar tárbiyası, ruwxıylıq-aǵartıwshılıq jumısları, bilimlendiriw sıpatın asırıw, pedagogikalıq kadrlar mamanlıǵın jaqsılawǵa kómeklesiw hám basqa salalarda birge islesiw boyınsha alıp barılıp atırǵan jumıslar haqqında.

 Q.Doshanova – «Kásiplik hám arnawlı pánler» keafedrası baslıǵı, búgin Qaraqalpaqstan Respublikasındaǵı professional hám orta arnawlı bilimlendiriw orınların metodikalıq hám ilimiy tárepten qollap quwatlaw, jaslar tárbiyası, ruwxıylıq-aǵartıwshılıq jumısları, bilimlendiriw sıpatın asırıw, pedagogikalıq kadrlar mamanlıǵın jaqsılawǵa kómeklesiw hám basqaları boyınsha birge islesiw boyınsha alıp barılıp atırǵan jumıslardı kórip shıgıw hám isleniw tiyis bolǵan jumıslar haqqında sáwbetlesiw ótkeriw maqsetinde texnikumǵa Qaraqalpaqstan awıl xojalıǵı hám agrotexnologiyalar institutınıń “Awıl xojalıǵın mexanizaciyalastırıw” hám “Suw xojalıǵı hám jerden paydalanıw” kafedrasınıń bir neshe professor-oqıtıwshları kelegenligin aytıp ótti hám de sózdi usı kafedranıń assistenti, t.i.f.d. S.Tursımuratovqa berdi.

 S.Tursımuratov – búgingi sapardan maqset institut hám de texnikum menen birge islew haqqındaǵı shártnamaǵa tiykarlanıp Respublikamızdıń awıl xojalıǵı tarawına joqarı bilimli hám maman kadrlardı jetistirip beriwde ámelge asırılıp atırǵan jumıslar, búgin hám keleshekte qanday jumıslardı ámelge asırıw boyınsha aldımızda turǵan máseleler boyınsha májilis qatnasıwshılarına maǵlıwmatlar berip ótti.

 A.Genjemuratov – búgingi kúnde kafedra professor-oqıtıwshıları tárepinen awıl xojalıǵın mexanizaciyalastırıw hám Suw xojalıǵı hám jerden paydalanıw tarawında bilim, ilim, tálim-tárbiya hám basqaları  boyınsha búgin hám keleshekte ámelge asırılıwı kerek bolǵan jumısları, neler isleniw kerekligi, yaǵnıy keyingi jılları mámleketimizde awıl xojalıǵında ámelge asırılıp atırǵan nátiyjeli jumıslar hám basqaları boyınsha maǵlıwmatlar berip ótti.

 Q.Doshanova – kásiplik baǵdarlaw boyınsha texnikum oqıwshıları ózleri tańlaǵan taraw boyınsha jaqsı qánige bolıwları hám tańlanǵan tarawları boyınsha jumıs alıp barıw kerekligin kórsetip ótti.