Qaraqalpaqstan awıl xojalıǵı hám agrotexnologiyalar institutı Awıl xojalıǵın mexanizaciyalaw hám suw xojalıǵı fakultetinde studentlerge institutta alıp barılıp atırǵan ilimiy izertlewler hám ámeliy joybarlardıń nátiyjelerin tanıstırıw maqsetinde ilimiy-ámeliy kórgizbe shólkemlestirildi.

  Kórgizbe dawamında fakultetke Aziya Rawajlanıw Bankiniń (ARB) wákilleri de xızmet saparı menen keldi. Miymanlardı institut rektorı B.Jollıbekov kútip alıp, olardı kórgizbe menen tolıq tanıstırdı.

  Ilaj dawamında dala tájiriybelerinen alıp kelingen ósimlik úlgilerine ayrıqsha itibar qaratılıp, olar ústinde alıp barılıp atırǵan ilimiy-izertlew jumıslar barısı haqqında tolıq maǵlıwmat berildi. Sonday-aq, instituttıń iskerligi hám studentler tárepinen ámelge asırılıp atırǵan ilimiy hám innovaciyalıq joybarlar haqqında da sóz etildi.

  Kórgizbe dawamında jańadan alıp kelingen zamanagóy laboratoriyalıq úskenelerdiń islew principleri kórsetilip, olardıń bilimlendiriw procesindegi áhmieti atap ótildi.

  Ushırasıw sońında miymanlar menen instituttıń keleshektegi maqsetleri dodalanıp, birgelikte iri joybarlardı ámelge asırıw, sonday-aq, studentler ushın jańa laboratoriyalar qurıw rejelestirildi.