Qaraqalpaqstan awıl xojalıǵı hám agrotexnologiyalar institutında student-jaslardıń injenerlik tarawındaǵı bilimlerin rawajlandırıw, olardıń innovaciyalıq ideyaların qollap-quwatlaw maqsetinde “TechnoWays” texnologiyalıq rawajlanıw marafonınıń institut basqıshı bolıp ótti.

Ilajdı institut rektorı B.Jollıbekov ashıp berip, qatnasıwshılarǵa tabıslar tiledi hám marafonnıń jaslar ushın áhmiyetliligin atap ótti.

Tańlawda 30 jasqa shekemgi studentler, magistrantlar hám jas ilimpazlar “Texnologiyalıq sheshim” hám “Programmalıq támiynat” baǵdarlarında óz joybarların usındı.

Bahalaw barısında qatnasıwshılar tárepinen usınılǵan innovaciyalıq ideyalar, texnikalıq sheshimler hám programmalıq qollanbalar joqarı dárejede kórsetildi.

Tańlaw juwmaqlarına bola, “Xabar texnologiyaları, matematika, fizika hám ximiya” kafedrası assistentleri hám student-jasları jeńimpaz boldı.

Tańlaw shártlerine muwapıq, jeńimpazlar institut tárepinen sawǵalar menen sıylıqlanadı. Sonday-aq, 1-orın iyesiniń joybarı institut tárepinen qarjılandırılatuǵını atap ótildi.

Nátiyjelerge bola, jeńimpazlar endi “TechnoWays” texnologiyalıq rawajlanıw marafonınıń Ózbekstan Respublikası basqıshında qatnasıw huqıqın qolǵa kirgizdi.