2025 jıl 9-oktyabr kúni Qaraqalpaqstan awıl xojalıǵı hám agrotexnologiyalar institutı «Gumanitar pánler hám tiller» kafedrası professor oqıtıwshıları Bekimbetov Bahadır Mırzabaevich, Allaniyazov Zakir Turdıbaevich hám Seyfullaev Allanazar Skenderbekovichlar institutqa biriktirilgen Xojeli rayonı 2-sanlı politexnikumına barıp ózleriniń oqıtatuǵın pánleri boyınsha master klass sabaqların ótti.

Atap aytqanda docent B.Bekimbetov Ózbekstannıń eń jańa tariyxı páni boyınsha Master klass sabaǵı «ÓZBEKSTAN RESPUBLIKASINDA BILIMLENDIRIW TARAWINDAǴI ÁMELGE ASIRILǴAN REFORMALAR» dep atalıp, onda oqıtıwshı tárepinen búgingi kúnde Prezident Sh.Mirziyoyev tárepinen bilimlendiriw tarawında ámelge asırılıp atırǵan reformalar, olardıń mánis mazmunı, jaslarǵa jaratılıp atırǵan imkaniyatlar haqqında keńnen túsinikler berildi. Búgingi kúnde zamanagóy bilimlerdi puxta iyelep, shet el tájriybelerin en jaydırıw, názeriy bilimler menen ámeliy bilimler tıǵız úylesken halda alıp barıw, belgili bir mamanlıqtıń jetik qánigesi bolıw bul zaman talabı ekenligin óz pikirlerinde aytıp ótti.

Kafedra assistenti Z.Allaniyazov tárepinen ótken master klass sabaǵı «VOLEYBOL» dep atalıp, onda oqıtıwshı tárepinen voleybol oyını tariyxı, onıń qaǵıydaları, sport maydanınıń ólshemleri, voleybol oyınında hújim jasaw hám qorǵanıw usılları haqqında keńnen túsinikler berildi.

Soń sabaqtı ámeliy kóriniste alıp barıp texnikumnıń dene tárbiyası páni oqıtıwshısı B.Bosjanov hám 2-kurs 11 topar «avtomobillerdi ońlaw hám olarǵa xızmet kórsetiw» toparı oqıwshıları qatnasıp, olarǵa voleybol oyınında hújim jasaw hám qorǵanıw usılların kórsetti.

Sabaq sońında oqıwshılar ózleriniń qızıqtırǵan sorawlarına juwaplar aldı.

Jánede kafedra assistenti A.Seyfullaev 1-kurs «Avtomobillerdi ońlaw hám olarǵa xızmet kórsetiw» 20-toparı oqıwshılarına Dintanıw páninen «DINLERDIŃ TARIYXÍY FORMALARÍ» temasında master klass sabaǵın ótti. Sabaqta dinlerdiń tariyxıy formaları 3 toparǵa bólinetuǵınlıǵı, alǵashqı dinler, milliy dinler hám jáhán dinlerine bólinetuǵınlıǵı, din degenimiz ne? degen sorawǵa oqıwshılardıń bergen juwapları, áyyemgi dinler totemizm, animizm, fetishizm, shamanizm hám magiya dinleri boyınsha názeriy bilimlerdi aytıp túsinikleri haqqında toqtaldı. Toparlardan jámi 32 oqıwshılar belsene qatnastı. «Avtomobillerdi ońlaw hám olarǵa xızmet kórsetiw» toparı basshısı Bekimbetov Azamat búgingi master klass sabaǵı mazmunlı ótkenligin, topar oqıwshıları bolsa qımbatlı hám zárúrli bilimlerdi alǵanlıǵın óz sózlerinde aytıp ótti.

Sabaq sońında oqıwshılar ózleriniń qızıqtırǵan sorawlarına juwaplar aldı hám tereń túsinikke iye bolǵanlıǵın ayttı.