Ózbekstan Respublikası Prezidentiniń 2025-jıl 14-fevraldaǵı PP-61-sanlı qararınıń orınlanıwın támiyinlew maqsetinde Qaraqalpaqstan awıl xojalıǵı hám agrotexnologiyalar institutında “Keleshekke qádem” joybarı sheńberinde bir qatar ámeliy ilajlar ótkerildi.

 Institut “Registrator ofis” baslıǵı I.Sulaymanov hám Jaslar awqamınıń jetekshisi M.Mambetov basshılıǵında birge islesiwshi shólkemler menen birgelikte “Biznes ideyadan tayar joybarǵa shekem” temasında seminar-treningler, isbilermenler menen master-klasslar jáne “Ózmilliybank” AJ tárepinen islep shıǵılǵan finanslıq xızmetler paketi boyınsha prezentaciyalar shólkemlestirildi.

 Ilajlar dawamında 900 den aslam pitkeriwshi hám belsendi studentler qatnastı. Sonday-aq, “Keleshekke qádem” baǵdarlaması sheńberinde “Ózmilliybank” AJ qarjı xızmetlerin úgit-násiyatlaw ótkerilip, 150 pitkeriwshi student belsene qatnastı.

 Búgingi kúnge shekem 2024/2025-oqıw jılı pitkeriwshilerine isbilermenlik jumısın jolǵa qoyıw ushın “Ózmilliybank” AJ tárepinen kreditler ajıratılıwı boyınsha usınıslar berildi.