Usı jıldıń 23-mart kúni institutimizǵa Sh. Esenov atindaǵı kaspiy texnologiya hám injenerlik universitetiniń professor-oqitiwshiları keldi.

     Bul sapar etiwden tiykarǵı maqset – eki joqarı bilimlendiriw mákemesi arasında dúzilgen birge islesiw shártnaması sheńberinde professor-oqıtıwshılardıń almasıwın jolǵa qoyıw, sonday-aq, institutımız studentlerine zamanagóy bilim hám tájiriybelerdi jetkeriwden ibarat boldı. Sapar dawamında miyman professor-oqıtıwshılar tárepinen studentler ushın mazmunlı lekciyalar hám ámeliy master-klasslar shólkemlestirildi.

     Bul shınıǵıwlar studentlerdiń bilimin jáne de bekkemlew, olardıń kásiplik kónlikpelerin rawajlandırıwǵa xızmet etti.

     Bul birge islesiw keleshekte de dawam etip, bilimlendiriwdiń sapasın arttırıw hám xalıqaralıq baylanıslardı keńeytiwge áhmietli úles qosatuǵını kútilmekte.