Qaraqalpaqstan awıl xojalıǵı hám agrotexnologiyalar institutı hám de Awıl xojalıǵı texnikası hám texnologiyaların sertifikatlaw hám sınaw orayı arasında 2022-jıl 8-sentyabrde dúzilgen 5-sanlı Sheriklik shártnamasınıń orınlanıwın támiyinlew hám de tálim hám óndiris integraciyanı jáne de rawajlandırıw maqsedtinde áhmiyetli ilajlar shólkemlestirildi.
Usı jıldıń 5–7-noyabr kúnleri instituttıń « Agroinjeneriya hám innovaciyalıq texnologiyalar» kafedrasına Awıl xojalıǵı texnikası hám texnologiyaların sertifikatlaw hám sınaw orayı direktorınıń birinshi orınbasarı – bas injeneri Tolıbayev Alpisbay Yerjanbayevich keldi.
Sapar sheńberinde qánige tárepinen Awıl xojalıǵın mexanizaciyalastırıw tálim baǵdarı studentleri hám de professor-oqıtıwshılar ushın ashıq sabaqlar, ilimiy-ámeliy seminar hám kórsetpeli ámeliy shınıǵıwlar (master-klass) ótkerildi. Bul ilajlar studentlerdiń zamanagóy texnika hám texnologiyalar boyınsha ámeliy bilim hám kónlikpelerin asırıw, ilimiy-izertlew jumısların rawajlandırıw hám de joqarı oqıw ornı menen óndiris kárxanası arasındaǵı sheriklik baylanısların jáne de bekemlewge xızmet etedi.
