Jawızlıqqa qarsı aǵartıwshılıq atamasında ushırasıw bolıp ótti 

Qaraqalpaqstan awıl xojalıǵı hám agrotexnologiyalar institutında “Jawızlıqqa qarsı aǵartıwshılıq” atamasında iláj bolıp ótti. Ótkerilgen ilájǵa Qaraqalpaqstan Respublikası Ministrler Keńesi Baslıǵınıń jámiyetlik shólkemler hám diniy shólkemler menen baylanıslar boyınsha orınbasarı R.Saparbaev, Din isleri boyınsha Komitetiniń Qaraqalpaqstan Respublikası aymaqlıq basqarması bas qánigesi Q.Nezamatov, Din isleri boyınsha Komitetiniń Qaraqalpaqstan Respublikası aymaqlıq basqarması jetekshi qánigesi B.Ayımbetova, sonday-aq, instituttıń Jaslar menen islesiw, ruwxıylıq hám aǵartıwshılıq bólimi, Rektordıń hayal-qızlar máseleleri boyınsha másláhátshisi, institut psixologi, ruwxıylıq isler boyınsha dekan orınbasarları hám t`yutorlar, student jaslar qatnastı. Ilájda sózge shıqqan miymanlar student jaslardı búgingi globallasıw dáwirinde sergek bolıwǵa, biypárwalıqqa berilmew kerekligi, sebebi “Watan”, “Millet”, “Iyman-isenim” muqaddes túsinikler bolıp esaplanıp, onı hesh nársege almastırıp bolmaytuǵınlıǵı, din nıqabındaǵı ekstremizm – xalqımız tınıshlıǵı hám tatıwlıǵı ushın qáwip ekenligin tereń ańlaw, onıń aldın alıw hám qarsı gúresiw boyınsha sistemalı hám izbe-izlikte jumıslardı alıp barıw hár bir puqaranıń Watan aldındaǵı muqaddes wazıypası esaplanatuǵınlıǵın atap ótip, jaslardı ilim alıw, bos waqıtların mazmunli ótkeriw, kitapqumarlıqqa úgitlew, házirgi jaratıp berilgen imkaniyatlardan únemli paydalanıwǵa shaqırdı.

Sonday-aq, ilaj sheńberinde institutımızda jaslarǵa kiyiniw mádeniyatı, máskúnemshilik, shańaraqlıq kelispewshilikler hám basqa da jat illetlerdiń aldın alıw boyınsha túsindiriw jumısları alıp barıldı.