2022-jıldıń 15-avgust kúni Ózbekstan Respublikası Prezidenti janındaǵı Aralbo’yi xalıq aralıq innovatsiyalar orayında Germaniya mámleketindegi Leibnits Universiteti professorları Georg Guggenberger, Olga Shibistova hám usı Universitettiń bir qatar bakalavr studentleri hám magistrantları menen ushrasıw bolıp ótti. Ushrasıwda Institutımız Xalıqaralıq baylanıslar bólimi qánigeleri, magistrantlar hám doktorantlar qatnasıp, Institutımız hám onda Qaraqalpaqstan Respublikası ekologiyasın jaqsılaw maqsetinde alıp barılıp atırǵan ilimiy jumıslar haqqında maǵlıwmat berdi. Professor Georg Guggenberger Ózbekstan Respublikası Prezidenti janındaǵı Aralbo’yi xalıq aralıq innovatsiyalar orayı hám Qaraqalpaqstan awıl xojalıǵı hám agrotexnologiyalar Institutı menen birge islesiwi, jergilikli ekologiyalıq mashqalardı sheshiwde úlken áhmiyetke iye ekenligin ayrıqsha atap ótti. Ushrasıw sońında keleshekte Leibnits Universiteti menen birge islesiw máseleleri talqılandı.