Qaraqalpaqstan awıl xojalıǵı hám agrotexnologiyalar institutı rektorı jańa oqıw jılı menen qutladı

Búgin, 2022-jıl 5-sentyabr kúni Qaraqalpaqstan awıl xojalıǵı hám agrotexnologiyalar institutı jıynalıslar zalında “Bilimler kúni”ne arnalǵan keń quramlı jıynalıs bolıp ótti. Ilajdıń bas qaharmanları instituttıń 1-basqısh studentleri boldı. Jıynalıstı rektor a.x.i.d. prof. Toreniyazov E. Sh. baslap berdi. Birinshi kurs studentlerin qutlıqlaw ushın , eń húrmetli qonaq retinde Qaraqalpaqstan Respublikası Ministrler Keńesi baslıǵınıń orınbasarı Qayipov D. sózge shiqtı hám studenlerdıń Qaraqalpaqstan awıl xojalıǵı hám agrotexnologiya institutına oqıwǵa qabıl etiliwi, bálki turmısdaǵı birinshi juwapkerli qádem ekenin aytıp ótti.
“Jańa oqıw jılınıń baslanıwı, keleshekke jol baslaytuǵın áhmiyetli kún, ájayıp jańa ashılıwlar, úyreniw quwanıshı hám haqıyqıy doslıq penen tolıq qızıqlı turmıs. Mámleketimizde tálimniń áhmiyeti jıldan-jılǵa artıp atır, áyne bilim eń isenimli kapitalǵa, insan keleshegine qosatuǵın eń qımbatlı úleske aylanadı.
Instituttıń 1-basqısh oqıwshıların Jańa oqıw jılı menen qutlıqlar eken, tálim hám ilim dúnyada jetekshi orındı iyelep turıwın hám biziń wazıypamız olardı hár tárepleme alǵa jılısıw ekenligin aytıp ótti. Hámmege den sawlıq, jaqsı keypiyat, áwmet yar bolsın.. Alıp atırǵan tálim pútkil keleshektegi iskerligiñizdiñ tiykarına aylansın”, dep tilek bildirdi.
Jiynalıs dawamında institut rektorı a.x.i.d. prof. Toreniyazov E. Sh. sózge shıqtı :- “Húrmetli birinshi kurs studentleri! Húrmetli oqıwshılar, oqıtıwshılar hám ata-analar! Sizlerdi ilimiy keńes hám rektorlıq atınan shın kewlimnen Bilimler kúni menen qutlıqlayman! Búgin turmısıńızdaģı bólek kún! Sizlerdi mámleketimizdegi jetekshi joqarı oqıw orınlarınan biri bolǵan institutımızǵa student bolǵanıñız benen qutlıqlayman. Siz búgin bul jerde bolıw ushın uzaq joldı basıp óttińiz! Sizler institutımız studentlerisiz hám sizler onıń ruwhini, sizlerge beriletuǵın bilimlerdi qabıl etiwińiz kerek.
Aldında àhmiyetli waqıyalar menen tolı bolǵan bir neshe jıllıq qızǵın úyreniw jolı kútip atır. Keleshekte ájayıp qánige, ullı ustaz hám ullı alım bolıwıńızdı, instituttıń eń jaqsı dástúrlerin dawam ettiriwińizdi tilep qalamız. Qaraqalpaqstan awıl xojalıǵı hám agrotexnologiya institutı pitkeriwshisi degen joqarı ataqtı múnásip iyelep, jetik qánige bolıp jetisiwiñiz ushın professor -oqıtıwshılar jámááti, ilimiy keńes hám administraciya barlıq jumıstı alıp baradı».
Rektor óz sózi dawamında , eń joqarı ball toplaǵan studentlerdi oqıwǵa kirgeni menen qutlıqlap, olardı ramziy bilim gilti hám studentlik guwalıǵın tapsırıw dástúrine usınıs etdi. Institut rektorı prof. Toreniyazov E. Sh.jaslardıń zamanagóy ilim hám joqarı texnologiyalardı puqta iyelewi zárúr ekenligin, onıń ushın instituttıń barlıq kúsh hám múmkinshiliklerin jóneltiriwin aytıp ótti.