“Jas ullılardı izzetlew, olarǵa húrmet-sıylasıq kórsetiw — xalqımızǵa tán iygilikli pazıylet” bul ideya tiykarında Qaraqalpaqstan awıl xojalıǵı hám agrotexnologiyalar institutında “Jas ullılar hápteligı”ni joqarı dárejede shólkemlestiriw maqsetinde usı jıldıń 6 -oktyabr kúni “Kózge súrttim ustaz basqan topraqlardı” atamsında institutımız jaslar máselelerı hám ruwhiy aǵartıwshılıq isleri boyınsha birinshi prorektor R. Ibragimova basshılıǵında ılım jolında haq nietlı miynet etken qádırı bálent ustazlarimiz professor O. Awezov, O. Abillaev, G. Sabirov, professor Z. Sultanova, T. Oserbaeva, D. Otemuratovalar menen ushırasıw ótkerildi. 100 den artıq student-jaslar qatnasıwında ótkerilgen sáwbetinde ustazlar ózleriniń ılım jolındaǵı mashaqatlı miynetleri hám ustazlıq ádiwullı kásipi haqqında aytıp óttii. Bunday ushırasıwlar jetkinshek kewilinde patriotlıq, miyir-aqıbet seziminı qáliplestiriwde júdá úlken áhmiyetke iye boldı.