?14-yanvar – Watan qorǵawshıları kúni múnásibeti menen «Hásiretli ana» esteligine gúl sheńberleri qoyıldı?

?Búgin, 14-yanvar – Watan qorǵawshıları kúni hám Qurallı Kúshlerimiz dúzilgeniniń 31 jıllıǵı múnásibeti menen saltanatlı ilaj bolıp ótti.Ilajda Qaraqalpaqstan Respublikası Joqarǵı Keńesi menen Ministrler Keńesi,Arqa-Batıs áskeriy okrugi,huqıq qorǵaw uyımları,ministrlik hám mákeme, shólkemler,miynet jámáátleri,urıs hám miynet veteranları hám de Qaraqalpaqstan awıl xojalıǵı hám agrotexnologiya institutı rektorı prof. E.Sh.Tóreniyazov basshılıǵında institutımız jámáátı da qatnastı hám «Hásiretli ana» esteligine gúl sheńberlerin qoydı.
Ata-babamızdan bizge miyras bolıp kiyatırǵan ana Watanımızdı qásterlep saqlaw, elimizdiń tınıshlıǵın támiyinlew hár birimiz ushın muqaddes parız bolıp tabıladı. Sonlıqtanda bul sáne Watan súyiwshilik, xalqımızǵa sadıqlıq,mártlik hám erlik sıyaqlı joqarı insanıylıq qádiriyatlardı ózinde jámleytuǵın bayram sıpatında kewillerden tereń orın iyeleydi.?