ÓZBEKSTAN RESPUBLIKASÍ “OLIMA” ShÓLKEMI QARAQALPAQSTAN BÓLIMI QARAQALPAQSTAN AWÍL XOJALÍǴÍ HÁM AGROTEXNOLOGIYALAR INSTITUTÍ

XABARLANDÍRÍW XATÍ

BMSh Bas Assambleyası rezolyuciyası tiykarında 11-fevral’ “Ilim tarawındaǵı hayal-qızlardıń xalıqaralıq kúni” sıpatında belgilenip keliw múnásibeti menen Ózbekstan respublikası “Olima” shólkemi Qaraqalpaqstan bólimi hám Qaraqalpaqstan awıl xojalıǵı hám agrotexnologiyalar institutı birgelikte 2023- jıl 10-fevral kúni “Ilim tarawındaǵı hayal-qızlar xalıqaralıq kúni”ne baǵıshlap, “Qaraqalpaqstan Respublikasınıń turaqlı rawajlanıwında jas ilimpazlardıń ilimdegi iskerligi” atamasındaǵı respublikalıq ilimiy-ámeliy konferenciya ótkeriw rejelestirilmekte. Konferenciyaǵa joqarı oqıw orınları professor oqıtıwshıları, doktorantlar, magistrler hám akademiyalıq licey, orta arnawlı kolledjlerde hátteki mekteplerde tálim alıp atırǵan intalı qızlar, qatnasıwı múmkin.
Konferenciya tómendegi baǵdarlar boyınsha jumıs alıp baradı:
1. Jámiyetlik pánler
2. Anıq pánler
3. Tábiyiy pánler
Bayanatlardı hújjetlestiriw talapları:
Bayanat tekstleri Times New Roman hám 14 ólshemdegi shrifte, joqarı hám tómennen 2,0 sm, oń tárepten 1,5 sm, shep tárepten 3 sm, 1,5 intervalda, 2 betten kem bolmaǵan halda jazılıwı kerek.
Tezistiń ataması bas háripler menen jazıladı, 1,5 intervaldan avtordıń atı, familyası hám ákesiniń atı, oqıw ornı, jumıs ornı, elektron mánzili tolıq jazılıwı kerek. Talapqa juwap bermeytuǵın materiallar baspadan shıǵarılmaydı hám avtorǵa qaytarıp berilmeydi.
Konferenciya materialların baspadan shıǵarıw, shólkemlestiriw qárejetleri ushın hár bir betine jigirma mıń (20 000) som muǵdarında pul tólenedi.
Shólkemlestiriw komitetine kelip túsken ilimiy materiallar konferenciya baǵdarına say túrde tańlanadı hám jazılıw qaǵıydasına qarap qabıl etiledi. Konferenciya materialları qaraqalpaq, ózbek, rus tillerinde tapsırılıwı múmkin. Ilimiy-ámeliy konferenciyada qatnasıwshılar bayanat tekstlerin 2023-jıl 10-fevralǵa shekem Ózbekstan respublikası “Olima” shólkemi Qaraqalpaqstan bólimine tapsıradı.
Konferenciya jumısı saat 10:00 de baslanadı. Tezisler 10-fevralǵa shekem tapsırılıwı múmkin.
Avtorlardıń hám ilimiy basshılarınıń oqıw hám jumıs orınları, úy mánzili, telefonları maqala aqırında kórsetiliwi shárt.
Xabarlasıw ushın telefon nomerleri:
+998905752574   +998975632527
Ótkeriletuǵın ornı: Qaraqalpaqstan awıl xojalıǵı hám agrotexnologiyalar institutı, 1–etaj, májilisler xanası.