Ózbekstan Respublikası Joqarı bilimlendiriw, ilim hám innovaciyalar ministri I.Y.Abdurahmonov penen videoselektr ushırasıwı bolıp ótti

Búgin 6-fevral kúni Ózbekstan Respublikası Joqarı bilimlendiriw, ilim hám innovaciyalar ministri I.Y.Abdurahmonov basshılıǵında Ózbekstan Respublikasındaǵı barlıq joqarı oqıw orınları rektorları, prorektorları hámde filiallardıń direktor hám direktor orınbasarları qatnasıwında keńeytilgen selektr májilisi bolıp ótti.

Qaraqalpaqstan Respublikası aymaqlıq innovaciyalıq rawajlanıw basqarması baslıǵı N.Kayupov, respublikadaǵı barlıq joqarı oqıw orınları rektorları hámde direktorları Berdaq atındaǵı Qaraqalpaq mámleketlik universitetiniń kishi májilisler zalinda zoom platforması arqalı selektr májilisine qatnastı.

Májiliste Bilimlendiriw mákemelerinde ishki tártip-intizam, “Ádep-ikramlılıq” normalarına qatań ámel etiliwi, hárbir joqarı oqıw ornındaǵı ziyrek, ózlestiriwi tómen, sonday-aq, jat hám radikal ideyalar aǵımına túsip qalǵan studentler menen jańasha islew sistemasın jaratıw, “Studentler hám ministrdiń ashıq sáwbeti” ushırasıwın joqarı dárejede ótkeriw, professional bilimlendiriw shólkemlerin metodikalıq hám ilimiy jaqtan qollap-quwatlaw maqsetinde olarǵa professor-oqıtıwshılar hám doktorantlardı biriktiriw, joqarı bilimlendiriw sıpatın asırıw boyınsha is-ilajlardı ámelge asırıw, joqarı bilimlendiriw mákemeleriniń ilimiy-innovaciyalıq xızmeti nátiyjeliligin asırıw, studentler turaq jayların shólkemlestiriw boyınsha ámelge asırılıp atırǵan jumıslar hámde isleniwi kerek bolǵan wazıypalar haqqında máseleler kórip shıǵıldı.