Qaraqalpaqstan awıl xojalıǵı hám agrotexnologiyalar institutı Qaraqalpaqstan Respublikası Konstituciyası qabıl etilgenliginiń 32 jıllıǵı múnásibeti menen ilaj ótkerildi

 Qaraqalpaqstan Respublikası Konstituciyası qabıl etilgenliginiń 32 jıllıǵı keń túrde elimiz boylap barlıq joqarı oqıw orınlarında belgilenbekte. Usı tiykarda búgin 3-aprel kúni Qaraqalpaqstan awıl xojalıǵı hám agrotexnologiyalar institutında Qaraqalpaqstan Respublikası Konstituciyası qabıl etilgenliginiń 32 jıllıǵı múnásibeti menen saltanatlı ilaj bolıp ótti.

 Ilajda Joqarǵı Keńes komitet baslıǵı – Sdikov Islambek Muratbaevich, Qaraqalpaqstan Respublikası Sudı sudyası – Berdimuratova Zulfiya Joldasbaevna, Qaraqalpaqstan Respublikası Ádillik ministri – Elmurat Ergashovich Tursunov institutımız professor-oqıtıwshıları hám student-jaslar qatnastı.

 Ilajdı institutımızdıń jaslar máseleleri hám ruwxıy-aǵartıwshılıq isleri boyınsha birinshi prorektorı M. Dauletmuratov ashıp berdi hám basqarıp bardı. Ilajda shıǵıp sóylegenler mámleketimizde ámelge asırılıp atırǵan reformalar, jańalanıwlar hám jaslarǵa jaratılıp atırǵan imkaniyatlar haqqında keń maǵlıwmatlar berdi. Mámleketimizdiń rawajlanıwında Konstituciyanıń tiykarǵı principleri, yaǵnıy nızam ústinligi, insan huqıqlarınıń qorǵalıwı, ádillikti támiyinlew Konstituciyanıń eń áhmietli roli ekenin ayrıqsha atap ótti.

 Ilaj sońında qatnasıwshılar ózlerin qızıqtırǵan sorawlarǵa taraw wákillerinen juwaplar aldı.